ექსპრეზიდენტი მიხეილ სააკაშვილი საპატიმროში მის მოპყრობას წამებისა და არაადამიანური მოპყრობის ფაქტად აფასებს. სასამართლო პროცესზე მან განაცხადა, რომ მთელი დღეების განმავლობაში გამუდმებით ესმოდა მასზე გინება, მუქარები, რაც სააკაშვილის თქმით, ადმინისტრაციის მიერ იყო ორგანიზებული.

"წინასწარ ციხის ადმინისტრაცია ეუბნებოდა [პატიმრებს], ეს არის გვარამია, თუთბერიძე, ლომჯარია და ახლა უნდა იყვიროთ. ან, მაგალითად, როცა შევდიოდი შეხვედრათა ოჯახში, საიდან უნდა სცოდნოდათ მათ, იქ კარებია დახურული. ვხვდებოდი შეხვედრათა ოთახში, მაგალითად, ხატიას და იქ ისმოდა ჩვენი სახელები და ყვირილი. ეს იყო ადმინისტრაციის მიერ ორგანიზებული ორკესტრირებული წამებისა და არადამიანური მოპყრობის ფაქტები, როგორც უკვე დააფიქსირეს საერთაშორისო ორგანიზაციებმა და თუნდაც ცეტრმა ემპათიამ და ასევე, დარწმუნებული ვარ სახალხო დამცველის ანგარიშში არის მოხვედრილი", — განაცხადა სააკაშვილმა.

ამ წუთებში თბილისის საქალაქო სასამართლოში მიხეილ სააკაშვილის პროცესი მიმდინარეობს. დღევანდელი სხდომა 7 ნოემბრის საქმის განხილვას ეხება.