თბილისში ტურისტად მყოფი სამი ადამიანი ამტკიცებს, რომ მათ ერთ-ერთ ღამის კლუბში ორი ბოთლი ლუდის სანაცვლოდ 3600 ლარამდე თანხა გამოსძალეს.

ინდოელი ტურისტები ყვებიან, რომ ლუდის შეკვეთის შემდეგ კლუბის თანამშრომლებმა ვიდეო გადაღება დაიწყეს, რაც მათივე თქმით, საეჭვოდ მოეჩვენათ და ანგარიში მოითხოვეს. ტურისტების მტკიცებით, ანგარიშის თანახმად მათ დაახლოებით 3600 ლარი უნდა გადაეხადათ, რაზეც მათ უარი თქვეს:

"გაბრაზდნენ და ცალკე ოთახში გაგვიყვანეს. ოთხნი იყვნენ და გვთხოვდნენ გადაგვეხადა. ვუთხარით, რომ ამდენი ფული არ გვქონდა. შემდეგ ჯიბეებში გვიყოფდნენ ხელს და ფული წაგვართვეს."

ტურისტებმა განცხადებით სამართალდამცავ ორგანოებს მიმართეს და ბინაობის დაფარვა და უსაფრთხოების გარანტიები ითხოვეს.

შინაგან საქმეთა სამინისტროს ცნობით, საქმეზე გამოძიება 178-ე მუხლით დაიწყო, რაც ძარცვას გულისხმობს.