ჩხოროწყუს მუნიციპალიტეტის სოფელ ხანწკში არასრულწლოვანი დაჭრეს — ინფორმაციას "ოდიში ნიუსი" ავრცელებს.

ადგილობრივების განცხადებით, მომხდარს წინ არასრულწლოვნებს შორის შელაპარაკება უძღოდა. "ტვ პირველის" ინფორმაციით, არასრულწლოვანი შამფურით დაჭრეს.

დაშავებული არასრულწლოვანის ჯანმრთელობის მდგომარეობა დამაკმაყოფილებელია. ის ამ დრომდე ზუგდიდის რეფერალურ საავადმყოფოში რჩება.

ფაქტზე გამოძიება საქართველოს სისხლის სამართლის კოდექსის 19-109-ე მუხლით მიმდინარეობს, რაც განზრახ მკვლელობის მცდელობას გულისხმობს.