იმედი L მომხმარებელს ჯანმრთელობის დაზღვევას გამონაკლისების გარეშე სთავაზობს. ახალი გადაწყვეტა კიდევ უფრო ფართო და ხელმისაწვდომ სამედიცინო მომსახურებას ითვალისწინებს. ახლა, მაშინაც კი, თუ კონკრეტული დიაგნოზი ან დაავადება პოლისის გამონაკლისებში ხვდება, დაზღვეულს შეუძლია სხვადასხვა კლინიკაში ულიმიტოდ, 50%-იანი თანადაფინანსებით მიიღოს ამბულატორიული მომსახურება.

განახლებული პროდუქტი, მომხმარებელს სთავაზობს ამბულატორიულ მომსახურებას ულიმიტოდ. მიმართვის მიღება მარტივად, რამდენიმე წამშია შესაძლებელი. მნიშვნელოვანია, რომ მომსახურება არ არის მიბმული დიაგნოზებისა და გამონაკლისების ჩამონათვალზე. მიმართვის მიღებიდან კი, დანიშნულების გარეშე, მომხმარებელს შეუძლია მიიღოს ნებისმიერი ამბულატორიული მომსახურება — ულიმიტოდ.

ამ სიახლესთან დაკავშირებით, იმედი L-მა საინტერესო კონცეფციის ვიდეორგოლი წარადგინა, რომლის მთავარი გზავნილი მარტივი და მკაფიოა — ჯანმრთელობის დაზღვევა გამონაკლისების გარეშე. ვიდეორგოლი სწორედ იმ პრობლემას ეხმიანება, რომელსაც მომხმარებლები ჯანმრთელობის დაზღვევის შეძენისას ყველაზე ხშირად აწყდებიან.

როგორც იმედი L-ში ამბობენ, მომხმარებლები ხშირად თვლიან, რომ მათი პოლისი რაღაც კონკრეტულ მომსახურებას ფარავს, თუმცა მოგვიანებით აღმოაჩენენ, რომ საჭირო სერვისი ან დიაგნოზი გამონაკლისების ჩამონათვალშია. სწორედ ამ გამოწვევაზე პასუხობს ახალი კამპანია, რომელიც ხაზს უსვამს, რომ იმედი L-ის განახლებული ჯანმრთელობის დაზღვევის პროდუქტით მომხმარებელს შეუძლია აირჩიოს პოლისი, რომელიც გამონაკლისების გარეშე მომსახურების შესაძლებლობას სთავაზობს.

“ვეცადეთ მომხმარებელთა რეალურ მოთხოვნებზე დაყრდნობით განგვეხორციელებინა პროდუქტების განახლება და დაგვენერგა ისეთი ცვლილებები, რომლებიც სერვისისგან მიღებულ გამოცდილებას კიდევ უფრო კომფორტულსა და პრაქტიკულს ხდის. ჩვენთვის მნიშვნელოვანია, რომ დაზღვევა იყოს მაქსიმალურად მომხმარებელზე მორგებული, ნებისმიერი ცვლილების საფუძველი სწორედ ეს ხდება“. — გვიყვებიან იმედი L-ში.