ზუგდიდის რაიონულმა სასამართლომ სრულად გაიზიარა პროკურატურის მიერ წარდგენილი მტკიცებულებები და დიდი ოდენობით თანხის თაღლითურად დაუფლების ფაქტზე ბრალდებული დამნაშავედ ცნო და 8 წლით პატიმრობა შეეფარდა — ინფორმაციას პროკურატურა ავრცელებს.

გამოძიების ინფორმაციით, ბრალდებული დაზარალებულებს აუქციონის გზით ავტომობილის შეძენასა და საქართველოში ტრანსპორტირებაში დახმარებას დაჰპირდა, რის შემდეგაც მათ კუთვნილ 9 141 ლარსა და 44 135 ლარს მართლსაწინააღმდეგოდ დაეუფლა.

მას ბრალდება საქართველოს სისხლის სამართლის კოდექსის 180-ე მუხლის მე-2 ნაწილის "ბ“ ქვეპუნქტით (თაღლითობა, რამაც მნიშვნელოვანი ზიანი გამოიწვია) და მე-3 ნაწილის "ბ" ქვეპუნქტით (თაღლითობა, რამაც დიდი ოდენობით ზიანი გამოიწვია) დაუსწრებლად წარედგინა.