უკვე სამი ათწლეულია, Elite ქართველი მომხმარებლისთვის თანამედროვე ტექნოლოგიების, ხარისხისა და ინოვაციების სანდო პარტნიორია. ამ წლების განმავლობაში კომპანიამ არა მხოლოდ შექმნა მრავალფეროვანი ბრენდების პორტფელი, არამედ ჩამოაყალიბა ურთიერთობები მსოფლიოს წამყვან მწარმოებლებთან, რომლებიც თავიანთ სფეროებში ლიდერ პოზიციებს იკავებენ. Elite-ისთვის თითოეული პარტნიორობა მხოლოდ პროდუქციის წარმოდგენას არ ნიშნავს. ეს არის პასუხისმგებლობა, მომხმარებელს შესთავაზოს ბრენდები, რომლებიც წლების განმავლობაში ამტკიცებენ საკუთარ ხარისხს, ქმნიან ინოვაციებს და ლიდერობენ საერთაშორისო ბაზარზე. Haier სწორედ ასეთი ბრენდია, რომელიც თანამედროვე ტექნოლოგიებს, ჭკვიან გადაწყვეტილებებსა და წარმატებულ კოლაბორაციებს აერთიანებს.

როგორც მსოფლიოში ერთ-ერთი წამყვანი საყოფაცხოვრებო ტექნიკის მწარმოებელი, Haier უკვე წლებია თანამშრომლობს საერთაშორისო სპორტის ყველაზე პრესტიჟულ ორგანიზაციებსა და კლუბებთან. ბრენდის საფეხბურთო პარტნიორობების პორტფოლიოშია: Liverpool FC, Paris Saint-Germain, LALIGA, Liga Portugal, მაროკოს ფეხბურთის სამეფო ფედერაცია და იტალიის Serie A. ამ პარტნიორობების მიზანია სპორტისა და ტექნოლოგიის ერთმანეთთან დაახლოება და გულშემატკივრებისთვის მატჩის ყურების სრულიად ახალი გამოცდილების შექმნა.

Haier-ისთვის ფეხბურთი მხოლოდ სპონსორობა არ არის. ეს არის ბრენდის ფილოსოფიის გაგრძელება. როგორც ჩემპიონი ფეხბურთელები მუდმივად სრულყოფილებისკენ ისწრაფვიან, ამავე ხედვით ქმნის Haier ტელევიზორებს. თანამედროვე ფეხბურთი წარმოუდგენელია მაღალი ხარისხის გამოსახულებისა და რეალისტური ხმის გარეშე. Haier-ის უახლესი ტელევიზორები კი აღჭურვილია QLED და Mini LED ტექნოლოგიებით, 4K Ultra HD გარჩევადობით, Dolby Vision-ისა და Dolby Atmos-ის მხარდაჭერით, ასევე MEMC მოძრაობის დამუშავების სისტემით, რომელიც სწრაფ ეპიზოდებს უფრო ბუნებრივსა და მკვეთრს ხდის. შედეგად, ბურთის ყოველი მოძრაობა, პასი თუ გოლი მაქსიმალურად რეალისტურად აღიქმება.

განსაკუთრებით მნიშვნელოვანია მაღალი განახლების სიხშირე, დაბალი დაყოვნება (Low Latency) და ფართო ხედვის კუთხე, რაც მატჩის ყურებას კიდევ უფრო კომფორტულს ხდის, მიუხედავად იმისა, თუ ოთახის რომელ ნაწილში იმყოფებით. Google TV-ის პლატფორმა კი სხვადასხვა სტრიმინგსერვისსა და სპორტულ კონტენტზე სწრაფ წვდომას უზრუნველყოფს.

დღეს, როდესაც მილიონობით ადამიანი მნიშვნელოვან საფეხბურთო მატჩებს საკუთარ სახლში უყურებს, ტელევიზორი გაცილებით მეტია, ვიდრე უბრალოდ ეკრანი. ის ხდება სტადიონთან დამაკავშირებელი ფანჯარა. სწორედ ამ მიზეზით Haier აგრძელებს ინვესტირებას როგორც სპორტში, ისე ტელევიზორების ინოვაციურ განვითარებაში, რათა ყოველი მატჩი ისეთივე შთამბეჭდავი იყოს, როგორც ტრიბუნებიდან დანახული თამაში.

ელიტი Haier-ის ექსკლუზიური პარტნიორი საქართველოში, შესაბამისად მისი ტელევიზორებისა და სხვა საყოფაცხოვრებო ტექნიკის შეძენას ელიტის ფიზიკურ მაღაზიებსა და ონლაინ პლათფორმა ee.ge-ზე განსაკუთრებული შეთავაზებებით შეძლებთ.

Haier-ის მსგავსი ძლიერი პორთფელის მქონე მსოფლიოს წამყვან ბრენდებთან თანამშრომლობა Elite-ის ერთ-ერთი მთავარი ღირებულებაა. ეს პარტნიორობები მომხმარებლისთვის ხარისხის, საიმედოობისა და ინოვაციის გარანტიაა, ხოლო კომპანიისთვის მუდმივი ვალდებულება, შეინარჩუნოს ის მაღალი სტანდარტი და ნდობა, რომელიც წლების განმავლობაში ჩამოყალიბდა. სწორედ ამიტომ Elite-ის პორტფელში ხვდება მხოლოდ ის ბრენდები, რომლებიც არა მხოლოდ ინტერესს იწვევს, არამედ მომხმარებლის გრძელვადიან ნდობასაც იმსახურებს.