თბილისის უნივერსიტეტების თვითმმართველობების წარმომადგენლებისა და განათლების მინისტრის შეხვედრა თსუ-ს თვითმმართველობის ყოფილმა პრეზიდენტმა შალვა საბაურმა, პროტესტის ნიშნად დატოვა.

მისი თქმით, სამინისტროში უკვე ჰქონდათ გადაწყვეტილება მიღებული, თვითმმართველობის გაუქმების შესახებ და კანონში ცვლილებების შეტანისას სტუდენტების აზრს არ ითვალისწინებენ:

"ისეთი შთაბეჭდილება მქონდა, რომ მათი პრეზენტაციის მოსასმენად ვიყავით, სურთ, რომ ირიბად, სხვადასხვა მეთოდებით გააუქმონ თვითმმართველობა. ყველაზე ცუდი კი ის არის, რომ ამ გადაწყვეტილებას სამინისტრო იღებს".

როგორც შალვა საბაური ამბობს, შეხვედრას თვითმმართველობის წარმომადგენლებთან ერთად, მინისტრი თამარ სანიკიძე თავის მოადგილეთან ერთად ესწრებოდა. შეხვედრაზე არ მივიდნენ მოძრაობა აუდიტორია 115-ის წევრები.