სახელმწიფო უსაფრთხოების სამსახურთან მიმდინარე აქციის ერთ-ერთი მონაწილის თქმით, კორპუსიდან ქვა ესროლეს, რომელიც თავში მოხვდა. ნაციონალური მოძრაობის თავმჯდომარე, ნიკა მელია მომხდარს მკვლელობის მცდელობად აფასებს და ამბობს, რომ აქციის მონაწილეებს ქვები გამიზნულად ესროლეს.

"ყოველგვარი ემოციები გადავდოთ გვერდით, და მარტივად გეკითხებით, არის თუ არა მკვლელობის მცდელობა კორპუსის სახურავიდან, როდესაც გამიზნულად ესვრი ადამიანებს თავში", — თქვა მან.

როგორც On.ge-ს სასწრაფო დახმარების პრესსამსახურში განუცხადეს, დაშავებულს დახმარება ადგილზე აღმოუჩინეს და მისი ჰოსპიტალიზაცია საჭირო არ გამხდარა.

მიხეილ სააკაშვილის მხარდამჭერი აქცია ვაჟა-ფშაველას ძეგლთან დაიწყო, რის შემდეგაც აქციის მონაწილეებმა სუს-ის შენობასთან გადაინაცვლეს.