MGM-მა გუჩის სახლის ახალი ტრეილერი შემოგვთავაზა და დიდი ალბათობით, მისი ხილვის შემდეგ ფილმის მიმართ მაყურებლების მოლოდინი ერთიორად გაიზრდება.

Eurythmics-ის მიერ შესრულებული სიმღერა Sweet Dreams-ის მიმზიდველი რიტმის ფონზე ახალ ტრეილერში ვხედავთ, თუ როგორ ხვდება პირველად პატრიცია რეჯიანი (ლედი გაგა), თავისი ქმრის, მაურიციო გუჩის (ადამ დრაივერი) მდიდარ იტალიელ ოჯახს.

რეალურად, გუჩის სახლი მაურიციოს მკვლელობისა და ამ ცნობილი ოჯახის მოდის დინასტიის დაშლის ნამდვილ ისტორიას მოგვითხრობს. ტრეილერი გუჩის ოჯახის მაღალი მოდის სამყაროს სიმდიდრესა და საფრთხეს, თავაშვებულ გართობას, ოჯახის აღზევებასა და ისტორიის სისხლიან დასასრულს მოკლედ ასახავს.

ფილმის რეჟისორი რიდლი სკოტია, რომლის ბოლო ფილმი The Last Duel კინოთეატრებში ორი კვირის წინ გამოვიდა. მიუხედავად იმისა, რომ უკანასკნელ დუელში ისეთი მსახიობები მონაწილეობდნენ, როგორებიცაა ბენ აფლეკი, ჯოდი კომერი, მეთ ბომერი და ადამ დრაივერი, ვარსკვლავების ნაკლებობას არც გუჩის სახლი უჩივის. რეჟისორის ახალ ფილმში ადამ დრაივერთან და ლედი გაგასთან ერთად სელმა ჰაიეკს, გარეგნულად შეცვლილ ჯარედ ლეტოს, ჯერემი აირონსა და ალ პაჩინოს ვიხილავთ.

გუჩის სახლი ლედი გაგას პირველი სრულმეტრაჟიანი ფილმი იქნება მას შემდეგ, რაც A Star is Born-ისთვის ოსკარზე იყო ნომინირებული.

კინოთეატრებში პრემიერა 24 ნოემბერსაა დაგეგმილი.

ასევე იხილეთ: