House of Gucci-ს მილანის გადასაღები მოედნიდან ჯარედ ლეტოს ფოტო გავრცელდა, რომელზეც მსახიობის ცნობა შეუძლებელია. ოსკაროსანმა მსახიობმა დიზაინერ, პაოლო გუჩის როლისთვის წარმოუდგენელი ტრანსფორმაცია განიცადა.

ფოტო: The Image Direct

რეჟისორ რიდლი სკოტის ფილმი გუჩის მოდის სახლის ხელმძღვანელის, მაურიციო გუჩისა და მისი ყოფილი ცოლის შესახებ გვიყვება, რომლის დაკვეთითაც მაურიციო 1995 წელს მოკლეს.

ფილმის მთავარი როლების შემსრულებლების, ადამ დრაივერისა და ლედი გაგას ფოტოები გასულ კვირას უკვე ვიხილეთ.

დაივიწყეთ ბრედლი — ნახეთ ლედი გაგას და ადამ დრაივერის ფოტო ახალი ფილმიდან

ფილმში ალ პაჩინოს, ჯეკ ჰიუსტონს, რივ კარნის და ჯერემი არიონსსაც ვიხილავთ. რიდლი სკოტის უახლესი კინოსურათი სარა გეი ფორდენის ნაწარმოებს — გუჩის სახლი: მკვლელობის, სიგიჟის, გლამურისა და სიხარბის სულისშემძვრელი ამბავი — ეფუძნება. ფილმის პრემიერა 2021 წლის 24 ნოემბერს არის დაგეგმილი.