ექსპრეზიდენტ მიხეილ სააკაშვილის ჯანმრთელობის მონიტორინგისთვის შექმნილი კონსილიუმის ერთ-ერთმა წევრმა, კარდიოლოგმა ზურაბ ფაღავამ განაცხადა, რომ საჭიროა, სააკაშვილის ჯანმრთელობის მდგომარეობის მრავალპროფილურ მონიტორინგი და კონტროლი.

"ჩვენ შევაფასეთ პაციენტის მდგომარეობა, რომელიც იყოს გარკვეულწილად უარესი, ვიდრე წინა. შიმშილობა, ეს არის მულტიორგანული საფრთხის შემქმნელი სიტუაცია, შესაბამისად, ის საჭიროებს მულტიპროფილურ მონიტორინგს და კონტროლს, კონსილიუმის წევრებმა ყოველშემთხვევაში ყველამ მოვაწერეთ ხელი [...]", — განაცხადა ფაღავამ მთავარ არხთან.

კონსილიუმის წევრი არ აკონკრეტებს გულისხმობს თუ არა ის სააკაშვილის კერძო საავადმყოფოში გადაყვანის აუცილებლობას. ამასთანავე, უცნობია, აქვს თუ არა ციხის ჰოსპიტალს პატიმრის ჯანმრთელობის მრავალპროფილური მონიტორინგის შესაძლებლობა. დღეს გამართულ სპეციალურ ბრიფინგზე მიხეილ სააკაშვილის ავოკატმა, ნიკა გვარამიამ განაცხადა, რომ მე-18 სამკურნალო პენიტენციურ დაწესებულებაში ამის შესაძლებლობა არ არის. გარდა ამისა, მან ჯანდაცვის მინისტრს, ეკატერინე ტიკარაძეს მოუწოდა განმარტოს, არის თუ არა ე.წ. ციხის საავადმყოფო იმ ტიპის მულტიფუნქციური დაწესებულება, რომელიც განსაზღვრა კონსილიუმმა.

გუშინ, 23 ოქტომბერს სააკაშვილის პირადმა ექიმმა, ნიკოლოზ ყიფშიძემ განაცხადა, რომ კონსილიუმი თანხმდება, რომ საჭიროების შემთხვევაში, ექსპრეზიდენტი მრავალპროფილურ, მაღალი კლასის კლინიკაში უნდა გადაიყვანონ. მოგვიანებით, აღნიშნულზე იუსტიციის მინისტრმა, რატი ბრეგაძემ თქვა, რომ ეს ინფორმაცია სიმართლეს არ შეესაბამება, ექსპრეზიდენტის სამოქალაქო კლინიკაში გადაყვანა არ განიხილება და "ტყუილს მოკლე ფეხები

დღეს, 24 ოქტომბერს სააკაშვილის ადვოკატმა, ნიკა გვარამიამ განაცხადა, რომ დაუყოვნებლივ უნდა გადაწყდეს სააკაშვილის ჰოსპიტალიზაციის საკითხი და გამოირიცხოს ციხის საავადმყოფო. გვარამიას თქმით, მიხეილ სააკაშვილისთვის ჯანმრთელობის ერთ-ერთი მნიშვნელოვანი რისკი გულის გაჩერებაა. შესაბამისად, აუცილებელია ის ისეთ საავადმყოფოში გადაიყვანონ, სადაც სრულად იქნება შესაძლებელი კარდიოლოგიური მომსახურების მიღება.

მიხეილ სააკაშვილი პირველ ოქტომბერს დააკავეს. ის 24 დღეა, რაც შიმშილობს. ჯერჯერობით უცნობია, როდის და სად გადაიყვანენ სააკაშვილს დამატებითი გამოკვლევებს ჩასატარებლად

ამავე თემაზე: