"ბანანის რესპუბლიკა", — ასე ეხმაურება ნაციონალური მოძრაობის ყოფილი წევრი სალომე სამადაშვილი ექსპრეზიდენტის მიერ საქართველოში ჩამოსვლასთან გავრცელებულ ინფორმაციას და ხელისუფლების მტკიცებას, რომ აღნიშნული სიმართლეს არ შეესაბამება.

"ყოფილი პრეზიდენტი აცხადებს, რომ მალულად შემოვიდა ქვეყანაში. ხელისუფლება, რომელიც მას 9 წელია ემუქრება, ამტკიცებს, რომ ის ქვეეყანაში არაა. ბანანის რესპუბლიკა. ამ წუმპედან ამოსვლას უზარმაზარი ძალისხმევა სჭირდება. ვერ გადადებთ! მოდით ხვალ არჩევნებზე, სახელმწიფო აღარ გვაქვს!", — წერს სამადაშვილი Facebook გვერდზე.

დღეს, პირველ ოქტომბერს მიხეილ სააკაშვილმა Facebook-ზე პოსტი გამოაქვეყნა რომელმაც შექმნა ვარაუდი, რომ შესაძლოა, ის უკვე საქართველოშია. ამასთან, მან გაავრცელა ორი ვიდეოც, სადაც ამბობს, რომ ბათუმშია, ფონად კი ქალაქის ხედი ჩანს.

შინაგან საქმეთა სამინისტროში ამბობენ, რომ ექსპრეზიდენტს ქვეყნის საზღვარი არ გადმოუკვეთავს. ქართული ოცნების თავმჯდომარე ირაკლი კობახიძე კი ამტკიცებს, რომ სააკაშვილი საქართველოში არ არის, მისი ვიდეოები ფეიკია და იმაზე უფრო მარტივი ტექნოლოგიითაა გაკეთებული, ვიდრე DeepFake. მის პასუხად სააკაშვილის თანაგუნდელები ამბობენ, რომ ის ნამდვილად ჩამოვიდა,

აღსანიშნია ისიც, რომ 27 სექტემბერს სააკაშვილმა სოციალურ ქსელში გამოაქვეყნა კიევი-თბილისის თვითმფრინავის ბილეთი, რომლის მიხედვითაც 2 ოქტომბერს, დედასთან, გიული ალასანიასთან ერთად უნდა ჩამოფრენილიყო.

ამავე თემაზე: