უკრაინის პრეზიდენტის პეტრო პოროშენკოს განცხადებით, 2014 წელს დაკავებული ნადეჟდა სავჩენკო უკრაინაში დაბრუნდა.

ნადეჟდა სავჩენკო უკრაინაში ბორისპოლის აეროპორტში ამ წუთებში ჩაფრინდა.

გათავისუფლებული უკრაინელი მფრინავის კადრებს პირდაპირ ეთერში რადიო თავისუფლებაც ავრცელებს.

რუსულმა მხარემ ნადეჟდა სავჩენკო 2014 წელს წელს დააკავა და ბრალად რუსი ჟურნალისტების, იგორ კორნელიუკისა და ანტონ ვოლოსინის, მკვლელობა დასდო. ამ დროის განმავლობაში სავჩენკო ბრალდებას უარყოფს და ამტკიცებს, რომ მის ირგვლივ განვითარებული პროცესებს პოლიტიკური სარჩული აქვს. მისი განმარტებით, 2014 წლის ივნისში აღმოსავლეთ უკრაინაში მას შემდეგ შეიპყრეს, რაც რუსი ჟურნალისტები უკვე დახოცილები იყვნენ.

რუსულმა მხარემ სავჩენკო დამნაშავედ ცნო და 22 წლიანი პატიმრობა მიუსაჯა.

20 აპრილს უკრაინა და რუსეთი ნადია სავჩენკოსა და უკრაინაში გასამართლებული რუსეთის მოქალაქეების გაცვლაზე შეთანხმდნენ.