უკრაინელი მფრინავი, ნადეჟდა სავჩენკო უკრაინაში ბრუნდება. ამის შესახებ ინფრომაციას Reuters ავრცელებს.

განსხვავებული ინფრომაცია ვრცელდება, თუ როგორ ბრუნდება სავჩენკო უკრაინაში. როიტერსი წერს, რომ უკრაინის პრეზიდენტი პეტრე პოროშენკო დონის როსტოვში გაფრინდა მის წამოსაყვანად, სხვა მედიასაშუალებების ინფორმაციით კი, რუსეთიდან სავჩენკოს წამოსაყვანად მხოლოდ პრეზიდენტის თვითმფრინავი გაუშვეს. როიტერსი რუსულ სააგენტოებზე დაყრდნობით წერს, რომ თვითმფრინავი, რომელშიც სავჩენკო იმყოფება, ასევე მიფრინავს როსტოვისკენ.

რუსულმა მხარემ ნადეჟდა სავჩენკო 2014 წელს წელს დააკავა და ბრალად რუსი ჟურნალისტების, იგორ კორნელიუკისა და ანტონ ვოლოსინის, მკვლელობა დასდო. ამ დროის განმავლობაში სავჩენკო ბრალდებას უარყოფს და ამტკიცებს, რომ მის ირგვლივ განვითარებული პროცესებს პოლიტიკური სარჩული აქვს. მისი განმარტებით, 2014 წლის ივნისში აღმოსავლეთ უკრაინაში მას შემდეგ შეიპყრეს, რაც რუსი ჟურნალისტები უკვე დახოცილები იყვნენ.

რუსულმა მხარემ სავჩენკო დამნაშავედ ცნო და 22 წლიანი პატიმრობა მიუსაჯა.