იაშვილის სახელობის ბავშთა კლინიკის დირექტორის, ივანე ჩხაიძის თქმით, ვაქცინაციის ასეთი დაბალი მაჩვენებელი ბოლო 2 თვის განმავლობაში არ ყოფილა. მისი შეფასებით, ვაქცინაციის წასახლისებლად საჭროა უფრო მეტი რეკლამა და მოსახლეობასთან პირისპირ საუბარი.

"ასეთი დაბალი მაჩვენებელი ბოლო 2 თვის განმავლობაში საქართველოში არ ყოფილა. ეს ნიშნავს, რომ მიუხედავად იმისა, როგორი იქნება ციფრები ამ კვირის განმავლობაში და ისევ დავუბრუნდებით თუ არა 20 000-იან ზღურბლს, სერიოზული პრობლემა შეიძლება შეექმნას ქვეყანას.

ძალიან საგანგაშო ნიშანია, ძალიან მნიშვნელოვანია, რომ ამ შემცირებას სწრაფად მოჰყვეს ადეკვატური რეაგირება", — თქვა მთავარ არხთან ივანე ჩხაიძემ.

გუშინ, 20 სექტემბერს თამარ გაბუნიამ თქვა, რომ ქვეყანაში ვაქცინაციის ტემპმა ბოლო დღეების განმავლობაში იკლო, რაც ძალიან საგანგაშოა. გამყრელიძე კი მე-5 ტალღაზე საუბრობს და ამბობს, რომ რაც მეტი აცრილი გვეყოლება, მით უფრო იოლად გადავიტანთ მას.

21 სექტემბრის მონაცემებით, ქვეყანაში სულ 1 671 295 აცრაა ჩატარებული, სრულად ვაქცინირებულია 719 076 ადამიანი.

საქართველოში 4 სხვადასხვა ვაქცინა, ფაიზერი, სინოფარმი, სინოვაკი და ასტრაზენეკა არის შემოტანილი. ვაქცინაცია შეუძლია ყველა მსურველს, 16 წელს ზევით. ვაქცინაციისთვის დარეგისტრირება შეგიძლიათ ვებგვერდზე Booking.moh.gov.ge.

იხილეთ იმ დაწესებულებების ჩამონათვალი, სადაც შესაძლებელია ვაქცინაცია. სია პერიოდულად ახლდება და ადგილები ემატება.

ასევე, შეგიძლიათ ნახოთ იმ დაწესებულებების სია, სადაც აცრას წინასწარი რეგისტრაცის გარეშე შეძლებთ. გარდა ამისა, თბილისში მოქმედებს ვაქცინაციის მოძრავი პუნქტები.

გაიგეთ მეტი: როგორ უნდა მიხვიდეთ ასაცრელად, როცა საზოგადოებრივი ტრანსპორტი შეზღუდულია — მარშრუტები