ცესკომ მოსიაშვილი ახალი გირჩის ნაცვლად, ძველი გირჩის ნომრით დაარეგისტრირა
![](http://chandler.on.ge/2021/09/14/1631613651_61407c772e618.jpg)
ფოტო: ნიკა მოსიაშვილის ფეისბუქგვერდი
ცენტრალურმა საარჩევნო კომისიამ საერთო ოპოზიციური კანდიდატი დიდუბის მაჟორიტარულ ოლქში, ნიკა მოსიაშვილი გირჩი — მეტი თავისუფლების საარჩევნო ნომრის ნაცვლად, გირჩის ნომრით დაარეგისტრირა.
მოსიაშვილმა სოციალურ ქსელში გამოაქვეყენა სქრინი ცესკოს ბაზიდან, სადაც მისი სახელის გასწვრივ 45-ის ნაცვლად 36 ნომერი წერია.
![](http://phoebe.on.ge/2021/09/14/nik.jpg)
ფოტო: ნიკა მოსიაშვილის ფეისბუქგვერდი
"როცა ასეთი მნიშვნელოვანი რაღაცები გეშლებათ, და თან სანამ სხვები არ გეტყვიან, მანამდე თქვენით არ/ვერ ასწორებთ ამ შეცდომებს, რანაირად გვეუბნებით ხოლმე რომ ცესკოს ენდეთო? აი როგორ უნდა გენდოთ?", — წერს მოსიაშვილი.
მისი თქმით, სულ ორი შესაძლებლობაა — ცესკო ამას ან განგებ აკეთებს, რაც დანაშაულია ან ეშლება და თავს ვერ ართმევს საქმეს, რაც, ასევე დანაშაულია.
On.ge დაუკავშირდა ცესკოს, სადაც განაცხადეს, რომ ეს იყო "ტექნიკური ხარვეზი". პრესსპიკერის, ნათია იოსელიანის თქმით, მას შემდეგ, რაც ცხელ ხაზზე დაუკავშირდნენ და შეცდომის შესახებ აცნობეს, "უსწრაფესად მოხდა რეაგირება" და ჩასწორდა საარჩევნო ნომერი.
"კარგი ქნეს რომ დარეკეს, იმიტომ, რომ თანამშრომლობით უნდა გავიდეთ საბოლოო ჯამში შედეგამდე. ეს ძაან მნიშვნელოვანია, მაგრამ, მე არ მგონია, რომ ეს იმ მასშტაბის პრობლემაა, რომ სჭირდებოდეს რაიმე ტიპის კომენტარის გაკეთებას", — განაცხადა იოსელიანმა.
ამჟამად ცესკოს ბაზაში მოსიაშვილის საარჩევნო ნომერი გასწორებულია.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
კომენტარები