2017-2018 სასწავლო წელს მაგისტრატურის პრიორიტეტულ საგანმანათლებლო პროგრამებზე ჩარიცხული 500-ზე მეტი სტუდენტი, ჯამში, 1 200 800 ლარით დაფინანსდება. მაგისტრატურის საფასურზე გრანტების გამოყოფისა და გადანაწილების წესის შესახებ დადგენილება საქართველოს მთავრობამ 2017 წლის 15 მარტს მიიღო. ამ დადგენილებით, დაფინასების მანამდე არსებული სისტემა არ შეცვლილა. წელსაც სულ ათასი სტუდენტი დაფინანსდება.

ამ დოკუმენტის მიხედვით, მაგისტრატურის საფეხურზე სტუდენტების გრანტებისთვის ბიუჯეტიდან სულ 2 250 000 ლარი დაიხარჯება. ამ თანხიდან 799 200 ლარი ყველა მიმართულებაზე მაღალი ქულების მქონე სტუდენტებზე გადანაწილდება. მას შემდეგ, რაც ეს თანხა ამოიწურება, 1 200 800 ლარი პრიორიტეტულ 12 მიმართულებაზე გადანაწილდება, ხოლო თანხის ორი პროცენტი - 45 ათასი ლარი კი, სოციალური პროგრამის ფარგლებში ჩარიცხულ სტუდენტებზე. თითოეულ სტუდენტზე გრანტის მაქსიმალური ოდენობა 2 250 ლარია.

პრიორიტეტული მიმართულებებზე თანხები სხვადასავა პროცენტული წილით გადანაწილდება:

  1. საინჟინრო (გარდა ინფორმაციული ტექნოლოგიებისა) − 9,57 პროცენტი;
  2. საბუნებისმეტყველო მეცნიერებანი (გარდა ფიზიკისა) − 9,07 პროცენტი;
  3. სოციალური მეცნიერებები (გარდა ეკონომიკისა) − 8,57 პროცენტი;
  4. განათლება − 6,07 პროცენტი;
  5. ჰუმანიტარული − 6,07 პროცენტი;
  6. ინფორმაციული ტექნოლოგიები − 5,87 პროცენტი;
  7. ბიზნესი და ეკონომიკა − 5,07 პროცენტი;
  8. სამართალი − 3,07 პროცენტი;
  9. მათემატიკა და ფიზიკა − 2,67 პროცენტი;
  10. აგრარული − 2,17 პროცენტი;
  11. ჯანდაცვა − 1,17 პროცენტი;
  12. ხელოვნება − 0,67 პროცენტი.

სხვა მიმართულებები:

  1. საბუნებისმეტყველო მეცნიერებანი (გარდა ფიზიკისა);
  2. ჯანდაცვა;
  3. ჰუმანიტარული;
  4. ხელოვნება;
  5. აგრარული;
  6. განათლება;
  7. სოციალური მეცნიერებები (გარდა ეკონომიკისა);
  8. საინჟინრო (გარდა ინფორმაციული ტექნოლოგიებისა);
  9. სამართალი;
  10. მათემატიკა და ფიზიკა;
  11. ინფორმაციული ტექნოლოგიები;
  12. ბიზნესი და ეკონომიკა.