ჯანდაცვის მინისტრის, ეკატერინე ტიკარაძის თქმით, ემხრობა, რომ ვაქცინაციისას მაღალი პრიორიტეტი იყოს ასაკობრივი, კონკრეტულად კი სამოც წელს ზევით ჯგუფია. ასე უპასუხა მან კითხვაზე, ემხრობა თუ არა მასწავლებლებისა და ექიმების სავალდებულო ვაქცინაციის იდეას.

"მე პირადად მივემხრობი იმ ჯგუფის ვაქცინაციას, ისევ და ისევ ვიმეორებ, არ აქვს მნიშვნელობა, იქნება ეს მასწავლებლების, ექიმების თუ რომელიმე სხვა პროფესიული ჯგუფი, ადამიანები, რომლებიც არიან სამოც წელს ზევით, ისინი არიან მაღალი რისკის ქვეშ და სწორედ მათი მაღალი რისკიდან გამომდინარე და გამომდინარე იქიდან, რომ ამ ჯგუფის ვაქცინაცია განსაკუთრებით ეფექტურია, როგორც ინფექციის გავრცელების კომპონენტზე, ასევე საწოლფონდის დაკავების კომპონენტზე და ლეტალობის მაჩვენებელზე, მე მივემხრობი, რომ ამ ჯგუფის ვაქცინაცია იყოს მაღალი პრიორიტეტი", — განაცხადა ტიკარაძემ რუსთავი 2-ის ეთერში.

დაავადებათა კონტროლის ცენტრის დირექტორის, ამირან გამყრელიძის თქმით, ის სამედიცინო სექტორისა და მასწავლებლებისთვის სავალდებულო ვაქცინაციის რეკომენდაციას იძლევა.