დაავადებათა კონტროლის ცენტრის დირექტორის, ამირან გამყრელიძის თქმით, ის სამედიცინო სექტორისათვის სავალდებულო ვაქცინაციის რეკომენდაციას იძლევა.

"მე მაგალითად, რეკომენდაციას გავაკეთებ. ვაკეთებ ამის რეკომენდაციას და მიმაჩნია, რომ ჩვენ, ექიმები და სამედიცინო პერსონალი უნდა ვიყოთ მაგალითი. მე ყოველ დილას ჩემს დაწესებულებაში ვკითხულობ, ჩვენთან 82% არის აცრილი და ყოველ დილას ვკითხულობ, როდის უნდა ავიდეთ 90%-ზე. ჩვენთანაც, დაავადებათა კონტროლის ცენტრი არ ვართ 100% აცრილი და ყოველ დილას მჭირდება ახსნა-განმარტება ჩემს კოლეგებთან. 82% არ არის ცუდი მაჩვენებელი, რაც გვაქვს, რა თქმა უნდა, მაგრამ ჩვენ მაგალითი უნდა ვიყოთ და 90-95% უნდა ვიყოთ აცრილი", — განაცხადა მან ფორმულას ეთერში.

2 სექტემბრის მონაცემებით, საქართველოში კორონავირუსის 3 212 ახალი შემთხვევა დადასტურდა, გამოჯანმრთელდა 5 017, ხოლო გარდაიცვალა — 81ადამიანი. მხოლოდ აგვისტოში კორონავირუსი საქართველოში 130 377 ადამიანს დაუდასტურდა, ხოლო გარდაიცვალა 1 588 ადამიანი.

ქვეყანაში Covid-19-ის პანდემიის გავრცელებიდან დღემდე დადასტურებული შემთხვევების საერთო რაოდენობა შეადგენს 502 534-ს, მათგან გამოჯანმრთელდა — 5 017, ხოლო ვირუსს ჯამში ემსხვერპლა 7 563 ადამიანი.