24 აგვისტოს მარველის ადამიანი ობობას მესამე ნაწილის — Spider-Man: No Way Home-ის ნანატრი პირველი ტრეილერი გამოვიდა. მისი ნახვის შემდეგ ყველანი დავრწმუნდით, რომ ამდენი ლოდინი ნამდვილად ღირდა: ტრეილერში ტომ ჰოლანდი, ზენდეია და ბენედიქტ კამბერბეჩის დოქტორი სტრეინჯი ვიხილეთ. აგრეთვე, ჩვენი საყვარელი ბოროტმოქმედების — მწვანე გობლინისა და ალფრედ მოლინას დოქტორი რვაფეხას დაბრუნების შესახებაც შევიტყვეთ.

ტრეილერმა ნამდვილად მთელი მსოფლიო დაიპყრო — 24 საათში მან დაახლოებით 355,5 მილიონი ნახვა დაააგროვა. ამით ადამიანმა ობობამ Avengers-ის რეკორდი გააუმჯობესა.

Sony Pictures-ს მიხედვით, ფილმის ტრეილერმა სოციალურ ქსელებში 24 საათში ყველაზე მეტი მონიშვნა დააგროვა — სულ 4,5 მილიონი.

ტრეილერმა დაადასტურა, რომ ტომ ჰოლანდის ადამიანი ობობა მულტისამყაროში აღმოჩნდება, რაც წინა ადამიანი ობობას სამყაროდან ალფრედ მოლინა დოქტორ რვაფეხასთან შეხვედრის საშუალებასაც მისცემს.

აღსანიშნავია, რომ მულტისამყაროსა და ალფრედ მოლინას გამოჩენის შემდეგ, ფანები კიდევ უფრო თამამად ალაპარაკდნენ იმ თეორიაზე, რომლის მიხედვითაც, ახალ ფილმში ძველ ადამიან ობობებს — ტობი მაგუაირსა და ენდრიუ გარფილდსაც ვიხილავთ.