მარველის გულშემატკივრებისთვის მშვენიერი ამბავი გვაქვს: დიდხნიანი ლოდინის შემდეგ ადამიანი ობობა ბრუნდება! Spider-Man: No Way Home-ის პირველ ტრეილერში ჩვენს საყვარელ სახეებთან — ტომ ჰოლანდთან და ზენდეიასთან ერთად ბენედიქტ კამბერბეჩსაც ნახავთ. ფილმის პრემიერა 17 დეკემბერსაა დაგეგმილი.

ახალი ფილმის ტრეილერში თხრობა Far From Home-ის შთამბეჭდავი დასასრულიდან იწყება: საზოგადოებამ ადამიანი ობობას ვინაობა გაიგო. ამ პრობლემის მოსაგვარებლად პიტერ პარკერი დახმარებას დოქტორ სტრეინჯს სთხოვს, რაც, ტრეილერის მიხედვით, ჩვენს საყვარელ გმირს სახიფათო თავგადასავალში გადაისვრის.

ახალი ტრეილერის მიხედვით, ფილმში ჩვენს საყვარელ ბოროტმოქმედებს — მწვანე გობლინსა და დოქტორ რვაფეხასაც ვიხილავთ.

ტომ ჰოლანდმა პიტერ პარკერის როლი პირველად 2016 წელს Captain America: Civil War-ში მოირგო. ამის შემდეგ მარველის სამყარომ ადამიან ობობას ორი ფილმი მიუძღვა. ტომ ჰოლანდმა პიტერ პარკერის როლი Avengers: Infinity War-სა და Avengers: Endgame-შიც შეასრულა.

2019 წლის აგვისტოში გავრცელდა ინფორმაცია, რომ ადამიანი ობობა მარველის სამყაროს ტოვებდა. თუმცა სექტემბერში მარველმა დაადასტურა, რომ Sony Pictures და Marvel ადამიანი ობობას კიდევ ერთ ფილმზე მუშაობას ერთად გააგრძელებდნენ.

ამავე თემაზე: