ჯანდაცვის მინისტრის მოადგილის, თამარ გაბუნიას ინფორმაციით, ვაქცინირებული ადამიანებიდან მხოლოდ ერთეულები მოხვდნენ რეანიმაციაში კორონავირუსით. გაბუნია ამბობს, რომ ეს კიდევ ერთხელ ადასტურებს იმას, რომ ვაქცინაცია შემთხვევების აბსოლუტურ უმრავლესობაში გვიცავს გართულებებისგან.

"რეანიმაციაში აქამდე მკურნალობა გაიარა დაახლოებით 3 500-მა პირმა. მათ შორის, ერთხელ ვაქცინირებული იყო დაახლოებით 1%-მდე და ორჯერ ვაქცინირებული იყო 0,3%. ანუ, ერთეული შემთხვევები მოხვდა ორჯერ ვაქცინირებულების რეანიმაციაში ამ 3 500 პირიდან, რაც ნიშნავს იმას, რომ ვაქცინა რეალურად მუშაობს და იცავს ჰოსპიტალიზაციის და მძიმე შემთხვევების განვითარებისგან. ეს არის ყველაზე მთავარი მიზეზი იმისთვის, რომ ჩვენ ვაქცინაცია გავიკეთოთ", — განაცხადა თამარ გაბუნიამ.

ჯანდაცვის მინისტრის მოადგილემ, ასევე, განაცხადა, რომ ბოლო 5 თვეში ინციფირებულთა 98%-ზე მეტი არ იყო აცრილი.

გაიგე მეტი: