ჯანდაცვის მინისტრის, ეკატერინე ტიკარაძის განცხადებით, კლინიკაში მოხვედრილი პაციენტების აბსოლუტური უმრავლესობა, 95% ვაქცინირებული არ არის. მისი თქმით, ეს კიდევ ერთხელ ხაზს უსმევს თუ რამდენად ეფექტური იარაღია ვაქცინა კოვიდპანდემიის მართვაში და ინფექციისგან თავის დასაცავად.

"იმისათვის რომ კიდევ უფრო ნათელი გავხადოთ ჩვენი მოქალაქეებისთვის, თუ რამდენად მნიშვნელოვანი არის ვაქცინაცია, ჩვენ გავაკეთეთ მოკვლევა. ვიანიდან უკვე საკმაოდ დიდი რაოდენობა მოქალაქეების არის აცრილი, მოგვეცა საფუძველი რომ დაგვედგინა, თუ როგორი არის წილი ჰოსპიტალში მოხვედრილი პაციენტების, ვინც უკვე იყვნენ 1 ან 2 დოზით იყო აცრილი.

ერთი დოზით აცრილებში, განურჩევლად ვაქცინისა, კლინიკაში მოხვედრილი არის მხოლოდ 2.85%, ხოლო ორი დოზით აცრილი პაციენტების 2.13%. კლინიკაში დღესდღეობით მკურნალობას გადის 95% იმ ადამიანების, რომლებსაც არცერთი ვაქცინა და არცერთი დოზა არ ჰქონდათ ჩატარებული", — განაცხადა მინისტრმა და კიდევ ერთხელ მოუწოდა მოქალაქეებს ვაქცინაციისკენ.

ვაქცინაციის მსურველები უნდა დარეგისტრირდეთ ვებგვერდზე Booking.moh.gov.ge, ან მიხვიდეთ შემდეგ ლოკაციებზე, სადაც რეგისტრაციის გარეშე შეძლებთ ვაქცინაციას. სანამ საზოგადოებრივი ტრანსპორტის მოძრაობა შეზღუდულია, შეგიძლიათ ისარგებლოთ სპეციალური ავტობუსებით, რომელიც ამცრელ პუნქტებამდე მიგიყვანთ.