მარია ანდრეიჩეკი 25 წლის პოლონელი სპორტსმენია, რომელმაც ტოკიოს ოლიმპიადაზე შუბის ტყორცნაში ვერცხლის მედალი ძვლის კიბოს დიაგნოზის დასმიდან 3 წლის შემდეგ მოიპოვა. მამაცმა მარიამ ამჯერად საზოგადოების ყურადღება გულისამაჩუყებელი საქციელით მიიქცია — სპორტსმენმა უცხო ბავშვის დასახმარებლად, რომელსაც გულის ოპერაცია სჭირდება, საკუთარი ვერცხლის მედალი აუქციონზე $190 ათასად გაიტანა.

მარიამ საქველმოქმედო ვებგვერდზე ბავშვისთვის ფულის შეგროვება გადაწყვიტა. ბავშვს აშშ-ში ოპერაციისთვის $390 ათასი ესაჭიროებოდა. მედლის გაყიდვის გადაწყვეტილება სწორედ პატარას გადარჩენაში საკუთარი წვლილის შესატანად გადაწყვიტა.

ორშაბათს მან ინსტაგრამზე გამომწერებს აუქციონის გამარჯვებული — პოლონური კომპანია Zabka გააცნო. როგორც აღმოჩნდა, აუქციონიდან მარიამ $190 ათასზე მეტი მიიღო და, რაც მთავარია, კომპანიის თხოვნით, სპორტსმენმა ვერცხლის მედალი დაიტოვა.

"ჩვენ აღფრთოვანებული ვართ ჩვენი ოლიმპიელის ლამაზი და დიდებული ჟესტით, ამიტომ გადავწყვიტეთ, რომ მილოსჩეკის [ბავშვის] საქველმოქმედო აქციას მხარი დავუჭიროთ. ჩვენ გადავწყვიტეთ, რომ ტოკიოში მეორე ადგილისთვის მოპოვებული მედალი მარიასთან დარჩება", — წერს კომპანია ტვიტერზე.

საბედნიეროდ, მარიამ და მისმა გულშემატკივრებმა ბავშვის გადასარჩენად საჭირო თანხა თითქმის მთლიანად შეაგროვეს.