25 ივნისს დიდი დღეა, ბოლოს და ბოლოს სამეფო კარის თამაშების მეშვიდე სეზონი გამოვა, თუმცა ტრადიციული 10 სერიის ნაცვლად ამჯერად ის 7 ეპიზოდისგან შედგება.

HBO-მ მაყურებელს პირველი თიზერების შემდეგ ახალი, ოფიციალური პოსტერიც გამოაქვეყნა.

სამეფო კარის თამაშების მეშვიდე სეზონზე უკვე ბევრი რამ ვიცით, მაგალითად ის, რომ მეშვიდე სეზონის პრემიერამდე Reddit-ის ერთ-ერთმა იუზერმა Game of Thrones-ის ახალი სეზონის ყველა მომავალი სერიის მოკლე შინაარსი დადო, მოგვიანებით კი ფოტო სპოილერებიც გავრცელდა, სადაც ჩანს, რომ სამეფო კარის თამაშების მეშვიდე სეზონის ერთ-ერთი მთავარი ფიგურა ეურონ გრეიჯოი იქნება.

ვნახეთ ისიც, რომ ახალ სეზონში ერთმანეთს ჯონ სნოუ და დაენერის ტარგარიენი ხვდებიან. სავარაუდოდ, ისინი ერთმანეთს ალიანსის შესაქმნელად შეხვდნენ. ამ კავშირის მიზანი კი, ცხადია, ახლად გამეფებული სერსეი ლანისტერის ტახტიდან ჩამოგდებაა.

თუმცა ეს საკმაოდ რთული საქმე იქნება, რადგან ლინა ჰიდიმ სერსეი ლანისტერის ბედზე ისაუბრა და თქვა, რომ სერსეი აუცილებლად გააკეთებს იმას, რაც მას დასჭირდება იმისთვის, რომ დარჩეს ძლიერ და ძალაუფლების მქონე პერსონაჟად.

თავად ავტორი, ჯორჯ მარტინი კი გვაფრთხილებს, რომ ბედნიერი დასასრულის იმედი არ უნდა გვქონდეს.