კულტურის მინისტრის, თეა წულუკიანის განცხადებით, მთავარი არხის მიკროფონს დააბრუნებს მაშინ, როცა 3 ოქტომბერს "ესენი სამუდამოდ ჩაიყრებიან იქ, სადაც არის მათი ადგილი".

"ეს რომ ჩამოვართვი, მერე წავართვი, მივუშვირე და ვეუბნები, აბა თქვი, ბიძინა ივანიშვილს გაუმარჯ... არა, არ ვიზამ ამასო. ემა სადა ხარ? ემა? ალბათ, გვარამიას ეკითხება, რა ვქნა ახლა, მიკროფონი დავკარგეო.

ბიძინა ივანიშვილს და ქართულ ოცნებას გაუმარჯოს და მე ამ მიკროფონს დავაბრუნებ მაშინ, როცა 3 ოქტომბერს დილით, ესენი სამუდამოდ ჩაიყრებიან იქ, სადაც არის მათი ადგილი და როდესაც დამარცხდება ის ძალა, რომელიც დღემდე ეჭიდავება საკუთარ ხალხს, ქვეყანას და მის მომავალს", — თქვა მან.

ვიცე-პრემიერმა და კულტურის მინისტრმა, თეა წულუკიანმა მთავარი არხის ჟურნალისტს, ემა გოგოხიას მიკროფონი წაართვა და აცხადებს, რომ არ დააბრუნებს. მთავარი არხის მიერ გავრცელებულ ვიდეოში ჩანს, როგორ ართმევს წულუკიანი ჟურნალისტს მიკროფონს, რომელიც კითხვას სვამს. ამის შემდეგ მინისტრი ამ მიკროფონით იწყებს საუბარს და ბიძინა ივანიშვილს მადლობას უხდის. ამის შემდეგ წულუკიანი ჟურნალისტს ეუბნება: "ემა, მოდი, აბა თქვი, ბიძინას გაუმარ...". გარდა ამისა, თეა წულუკიანმა Facebook-ზე გამოაქვეყნა ფოტო და წერს, რომ ამიერიდან გაკეთებული საქმეების შესახებ ამ მიკროფონით უნდა "გვაუწყოს". წულუკიანის აზრით, ჟურნალისტი განაიარაღა.

საქართველოს ახალგაზრდა იურისტთა ასოციაციის თავმჯდომარე On.ge-სთან განმარტავს, რომ კულტურის მინისტრის ქმედება შესაძლოა შეიცავდეს სისხლის სამართლის კოდექსის 154-ე მუხლით გათვალისწინებულ დანაშაულის ნიშნებს. ეს მუხლი ჟურნალისტურ საქმიანობაში უკანონო ხელის შეშლას გულისხმობს. ამასთან, ნიკა სიმონიშვილის განცხადებით, თუ წულუკიანი მიკროფონის დაბრუნებას არ აპირებს, გამოძიების დაწყება საკუთრების წინააღმდეგ მიმართული დანაშულისთვისაც შესაძლებელია.

გაიგე მეტი: