მართალია, The Soprano-ს ბოლო სეზონი 2007 წელს გამოვიდა, თუმცა სერიალი პოპულარულობასა და მაყურებლის სიყვარულს დღემდე არ კარგავს. რამდენიმე დღის წინ კი გულშემატკივრებმა Talking Sopranos-ის პოდკასტის ეპიზოდში საინტერესო ისტორია მოისმინეს. როგორც აღმოჩნდა, ტონი სოპრანოს როლის შემსრულებელს, ჯეიმზ განდოლფინის პოპულარულ სიტკომში The Office მონაწილეობა შესთავაზეს. HBO-მ კი განდოლფინის $3 მილიონი გადაუხადა, რომ შეთავაზება არ მიეღო.

ამის შესახებ პოდკასტში The Sopranos-ის მსახიობებმა, სტივ შირიპამ და მაიკლ იმპერიოლიმ ისაუბრეს. როგორც აღმოჩნდა, როლისთვის ჯეიმზ განდოლფინის $4 მილიონს სთავაზობდნენ.

განდოლფინიმ შეთავაზება მას შემდეგ მიიღო, რაც ოფისის მე-7 სეზონში სტივ კარელმა, რომელიც მაიკლ სკოტს განასახიერებდა, სერიალიდან წასვლა გადაწყვიტა. თუმცა განდოლფინის უარის შემდეგ ახალი პერსონაჟის როლი ჯეიმზ სპაიდერს ერგო.

აღსანიშნავია, რომ შეთავაზების მიღების დროს განდოლფინი HBO-ს ახალ სერიალში, The Night Of-ში მონაწილეობისთვის ემზადებოდა. გარდაცვალებამდე განფოლფინიმ სერიალის საპილოტე ეპიზოდში მიიღო მონაწილეობა.

საინტერესოა, როგორ შეიცვლებოდა ყველასათვის საყვარელი ოფისი სკრანტონის ფილიალის მენეჯერი რომ ლეგენდარული ტონი სოპრანო ყოფილიყო?