ლეგენდარულმა ბრიტანელმა მსახიობმა, მეგი სმიტმა ერთ-ერთ ინტერვიუში მის კარიერასა და სამომავლო გეგმებზე ისაუბრა.

თეატრის, კინოსა და ტელევიზიის ვეტერანმა ვარსკვლავმა თქვა, რომ იმ შემთხვევაში, თუ ის ახლა დაიწყებდა კარიერას საერთოდ ვერ მიაღწევდა წარმატებას.

"კარიერას ახლა რომ ვიწყებდე, ვერაფერს მივაღწევდი, რადგან დღევანდელი გოგოები იმაზე ახალგაზრდულად გამოიყურებიან ვიდრე მე მათ ასაკში ვიყავი. წარმატების მიღწევა ჩემთვის, ძალიან, ძალიან რთული იქნებოდა", - თქვა მეგიმ.

მსახიობმა დღევანდელ კინოინდუსტრიაზეც ისაუბრა და იხუმრა, რომ რადგან გაშიშვლებაზე უარს ამბობს ამის გამო კინოში აღარ იღებენ.

"მგონია, რომ ახალგაზრდა მსახიობები ძალიან მამაცები არიან. ყოველ წამს შეუძლიათ კამერების წინ გაშიშვლდნენ. მე ეს არ შემიძლია, ჩემთვის კინოში გაშიშვლება არაორდინალური საქციელია. სწორედ ამიტომ დავიჩრდილე", - იხუმრა მეგი სმიტმა.

ჰარი პოტერის ვარსკვლავმა, სამომავლო გეგმებში რამდენიმე შეთავაზებაც დაასახელა, მათ შორის შესაძლოა იყოს ფილმი, სადაც ის და ჯუდი დენჩი კიდევ ერთხელ ითამაშებენ ერთად.