ჯანდაცვის მინისტრის მოადგილის, თამარ გაბუნიას განცხადებით, ბოლო პერიოდში კორონავირუსის სწრაფი გავრცელება და შედარებით მძიმე მიმდინარეობა შესაძლოა უკავშირდებოდეს ე.წ. დელტა შტამს.

"არ არის გამორიცხული, რომ შემთხვევების სწრაფი გავრცელებაც და შედარებით მძიმე მიმდინარეობაც, რაც გაზრდილ სიკვდილიანობას უკავშირდება — 22 იყო გუშინ გარდაცვალების მაჩვენებელი — რთულია ამის პირდაპირ მიზეზ-შედეგობროვი დაკავშირება, მაგრამ, სავარაუდოდ, შესაძლოა, რომ კავშირში იყოს დელტა შტამის გავრცელებასთან", — განაცხადა თამარ გაბუნიამ.

გაბუნიას განცხადებით, აღნიშნული შტამი ქვეყანაში ცირკულირებს და მისი გავრცელების მაჩვენებელი დაახლოებით 10-20%-ია.

"დელტა ვარიანტის, ე.წ. ინდური ვარიანტის გავრცელების შესახებ დაავადებათა კონტროლის ცენტრმა ადრეც გააკეთა განცხადება. კიდევ დამატებით 7 შემთხვევა დადასტურდა ბოლო პერიოდის განმავლობაში, რაც მიუთითებს იმაზე, რომ შტამი ქვეყანაში ცირკულირებს. შეფასებითი მაჩვენებლით, დაახლოებით 10-დან 20%-მდეა შესაძლოა გავრცელება ამ შტამის", — განაცხადა ჯანდაცვის მინისტრის მოადგილემ.

28 ივნისის ქვეყანაში კორონავირუსის 1 194 ახალი შემთხვევა დაფიქსირდა და გარდაიცვალა 22 ადამიანი, დადებითობის დღიური მაჩვენებელი კი 4.02%-ია. თამარ გაბუნიას განცხადებით, ბოლო კვირების განმავლობაში ეს ყველაზე მაღალი შემთხვევაა.

გაიგე მეტი: