ეს დეიზია და ის ქალაქ როუზბურგში, ორეგონის შტატში ცხოვრობს.

ფოტო: Jessica Woodruff

სამწუხაროდ, მისი ლეკვები ხანძარს შეეწირნენ.

"ჩვენ ვცადეთ ცეცხლმოდებული ბეღელიდან ლეკვების გამოყვანა, მაგრამ უკვე გვიანი იყო. დეიზი ძლივს შევაჩერეთ, რომ ცეცხლში არ შევარდნილიყო და თავი არ გაეწირა," - ამბობს დეიზის პატრონი, ჯესიკა ვუდრაფი.

ამ ტრაგიკული დღის შემდეგ, დეიზი საკვებზე უარს ამბობდა და გაუნძრევლად იწვა. ძაღლი ვერ ეგუებოდა შვილების დაკარგვას, ამიტომ ჯესიკამ მისთვის სხვა, ობოლი ლეკვების მოძებნა გადაწყვიტა.

ფოტო: Daisy Woodruff

ჯესიკამ ძალიან მალე იპოვა რვა ობოლი ლეკვი, რომელთაც დედის მზრუნველობა სჭირდებოდათ.

ფოტო: Daisy Woodruff

დეიზი პატარებზე საკუთარი შვილებივით ზრუნავს, სიამოვნებით აჭმევს და უვლის მათ. ახალ დედიკოსთან ლეკვები თავს ბედნიერად გრძნობენ.