ფარმაცევტულმა კომპანია BioNTech-მა, კლინიკური კვლევების მეორე ფაზაში, უკვე ოფიციალურად დაიწყო მონაწილეებში ექსპერიმენტული კიბოს ვაქცინის გამოცდა.

Clinical Trials Arena-ს მიხედვით, პრეკლინიკურმა და ადრეულმა კლინიკურმა მონაცემებმა აჩვენა, რომ ვაქცინა საკმარისად უსაფრთხოა და რომ იგი კლინიკური კვლევის მიმდინარეობისას განაგრძობს განვითარებას. ახლა, BioNTech მიზნად ისახავს იმის შესწავლას, თუ რამდენად კარგად მუშაობს ვაქცინა წამალ ლიბტაიოსთან ერთად კანის კიბოს მძიმე შემთხვევების წინააღმდეგ. მკვლევრები იმედოვნებენ, რომ ვაქცინა შეძლებს ისეთი პაციენტების განკურნებას, რომლებსაც აქამდე განწირულად მიიჩნევდნენ.

COVID-19-ის ვაქცინის მსგავსად, რომელიც BioNTech-მა Pfizer-თან თანამშრომლობით შექმნა, ექსპერიმენტული კიბოს ვაქცინა ასევე იყენებს mRNA ტექნოლოგიას, რათა პაციენტის იმუნურ სისტემას კიბოსთან ბრძოლა ასწავლოს. თუმცა, არსებობს რაღაც მნიშვნელოვანი განსვავებები კიბოსსაწინააღმდეგო ვაქცინისა და ძლიერ ინფექციური ვირუსის შემოწმებებს შორის.

სახელდობრ, აზრი არ ექნებოდა ვაქცინის შემოწმებას ჯანმრთელ პაციენტებზე და შემდეგ იმის ლოდინს, საბოლოოდ განუვითარდებოდათ თუ არა მათ კანის კიბო. ამის ნაცვლად, BioNTech კვლევას იმ პაციენტებზე ატარებს, რომლებსაც მელანომას მესამე ან მეოთხე ფაზა აქვთ და აკვირდება დაავადების პროგრესს ვაქცინის ინექციის შემდეგ.

"ჩვენი მიზანია იმუნური სისტემის გაძლიერება კიბოსა და ინფექციური დაავადებების მიამრთ", — განაცხადა პრეს რელიზში BioNTech-ის თანადამფუძნებელმა, ოზლემ თიურეჯიმ. "ჩვენ შევძელით mRNA ვაქცინების პოტენციალის დემონსტრირება COVID-19-ის წინააღმდეგ. არ უნდა დაგვავიწყდეს, რომ კიბო ასევე წარმოადგენს ჯანმრთელობის გლობალურ საფრთხეს, ბევრად უარესს, ვიდრე ამჟამინდელი პანდემიაა".