NATO-ს გენერალურმა მდივანმა, იენს სტოლტენბერგმა ბრიუსელში, NATO-ს სამიტის წინ განაცხადა, რომ რუსეთი მეზობლების, მათ შორის საქართველოსა და უკრაინის წინააღმდეგ აგრესიულ ქმედებებში ახორციელებს.

"ჩვენ ვხედავთ რუსეთის აგრესიულ ქმედებებს მეზობელი ქვეყნების — უკრაინისა და საქართველოს წინააღმდეგ. აგრესიულ ქმედებებში ვგულისხმობ კიბერთავდასხმებსაც, მოწამვლის ფაქტებს NATO-ს წევრების წინააღმდეგ და ეს არის ის, რამაც რუსეთსა და NAT0-ს შორის ურთიერთობების გაუარესება გამოიწვია", — განაცხადა იენს სტოლტენბერგმა.

მან, ასევე, აღნიშნა, რომ ჩრდილოატლანტიკური ალიანსი არსებულ გამოწვევებს მაღალი მზაობით პასუხობს.

სტოლტენბერგმა, აგრეთვე, განაცხადა, რომ NATO-რუსეთის ურთიერთობა ცივი ომის შემდეგ ასეთ დაბალ ნიშნულზე არ ყოფილა.

14 ივნისს ბრიუსელში NATO-ს სამიტი იმართება, სადაც ალიანსის წევრი ქვეყნების ლიდერები დახურულ კარს მიღმა საქართველოზეც იმსჯელებენ. დღესვეა დაგეგმილი დასკვნით დოკუმენტის მიღება.