NATO-ს გენერალურმა მდივანმა, იენს სტოლტენბერგმა ბრიუსელში, NATO-ს სამიტის წინ განაცხადა, რომ ჩრდილოატლანტიკური ალიანსისა და რუსეთის ურთიერთობა ასეთ დაბალ ნიშნულზე ცივი ომის შემდეგ არ ყოფილა.

"ჩრდილოატლანტიკური ალიანსის ურთიერთობაში ახალი თავი იხსნება. NATO-ს ლიდერებთან ერთად მრავალ საკითხებზე ვისაუბრებთ, მათ შორის რუსეთზე. ჩვენი რუსეთთან ურთიერთობა ასეთ დაბალ ნიშნულზე ცივი ომის შემდეგ არ ყოფილა", — განაცხადა იენს სტოლტენბერგმა.

14 ივნისს ბრიუსელში NATO-ს სამიტი იმართება, სადაც ალიანსის წევრი ქვეყნების ლიდერები დახურულ კარს მიღმა საქართველოზეც იმსჯელებენ. დღესვეა დაგეგმილი დასკვნით დოკუმენტის მიღება.