BLOK9 ჰიპ-ჰოპ ღონისძიებების საღამოების სერიაა. 5 მარტიდან მოყოლებული, მას SPACEHALL-ის სცენა ყოველთვიურად დაეთმობა.

ჰიპ-ჰოპ კულტურა საქართველოში 2000-იანი წლებიდან მოყოლებული კარგად ვითარდებოდა, თუმცა, ამ მუსიკას საქართველოში სცენა იშვიათად ეთმობა.

SPACEHALL 5 მარტიდან მოყოლებული BLOK 9-ის მასპინძელი იქნება, რომელიც თვეში ერთხელ გამართავს ჰიპ-ჰოპ საღამოებს, სადაც სისტემატიურად დაეთმობა სცენა .

პირველი საკონცერტო ღამის სტუმარი AFU-RA იქნება. ნიუ-იორკელი ჰიპ-ჰოპ არტისტი, სხვებისგან განსხვავებით საკუთარ ნამუშევრებში არა ფულსა და მატერიალურ ცხოვრებაზე, არამედ სხვადასხვა ფილოსოფიურ საკითხზე, სულიერ სიმშვიდესა და საკუთარი თავის სრულყოფაზე საუბრობს.

Afu-Ra-მ კარიერა ლეგენდარული ჯგუფ Gang Starr-თან კოლაბორაციით დაიწყო.

არტისტის პირველი სინგლი Whirlwind Thru Cities 1998 წელს გამოვიდა და Billboard.com-ის წლის საუკეთესო ჰიპ-ჰოპ ჩარტის 20-ეულში მოხვდა. 2000 წელს არტისტმა სადებიუტო ალბომი, Body of the Life Force ჩაწერა და მისი შექმნის პროცესში ისეთ შემსრულებლებთან ითანამშრომლა, როგორებიც არიან DJ Premier, Jeru the Damaja, GZA, True Master, Masta Killa (Wu-Tang Clan), M.O.P.

მისი მეორე ალბომი Life Force Radio 2002 წელს გამოვიდა, რომელსაც პროდიუსერობა DJ Premier-მა გაუწია.

1994 წლიდან AFU-RA მსოფლიოს გარშემო მოგზაურობს. ყველა მისი პერფორმანსი მისი სულიერი მოგზაურობაა, სავსე საინტერესო შეკითხვებით, გამოცდილებებით და რითმებით.

5 მარტს, BLOK9-ის საღამოზე, AFU-RA-ს გარდა ქართველი არტისტების მოსმენასაც შეძლებთ - ადგილობრივი ჰიპ-ჰოპ სცენის ვეტერანი, ჯერონიმო, ამ მიმდინარეობის მოყვარულთა ბოლო პერიოდის ფავორიტ არტისტებთან, DJ Grotask-თან, Terika-სთან და Kazzy Jazz-თან ერთად დადგება სცენაზე.

BLOK 9-ის სერიების მიზანია ჰიპ-ჰოპის მოყვარულთა ერთ სივრცეში გაერთიანება და მელომანებისათვის ჟანრობრივი მრავალფეროვნების შექმნა.

BLOK 9 სტარტს 5 მარტს 20:00 საათზე აიღებს.