ქართული ოცნების თავმჯდომარის, ირაკლი კობახიძის განცხადებით, აშშ-ში შეხვედრებისას პარტნიორები მიანიშნებენ, რომ მათ, როგორც მმართველმა პარტიამ კრიზისის გადასაჭრელად ნაბიჯები უნდა გადადგან.

"რა თქმა უნდა, საკმაოდ დიდ დროს ვუთმობთ საქართველოში მიმდიანრე პროცესებზე საუბარს. ვსაურობთ იმაზე, თუ როგორ წარიმართება დიალოგის პროცესი, როგორ ვხედავთ ამ პროცესების განვითარებას და ვისმენთ საინტერესო მოსაზრებებსა და რჩევებს ჩვენი პარტნიორებისგან.

ჩვენ გვესმის მინიშნებები იმაზე, რომ ქართული ოცნება არის მმართველი პარტია და მას სჭირდება, ბუნებრივია, კონკრეტული ნაბიჯების გადადგმა, იმისათვის რომ საკითხები გადაიჭრას", — აცხადებს კობახიძე.

მანვე აღნიშნა, რომ მზად არიან კონკრეტული ნაბიჯებისთვის, მათ შორის, კომპრომისისთვის.

ქართული ოცნების წარმომადგენლების ვიზიტი აშშ-ში 16 აპრილამდე გაგრძელდება. დელეგაცია შეხვედრებს გამართავს კონგრესმენებთან, სენატორებთან, სახელმწიფო დეპარტამენტისა და თეთრი სახლის მაღალი რანგის წარმომადგენლებთან, ასევე ამერიკული Think Tank- ების ხელმძღვანელებთან.