ამერიკის პრეზიდენტს დონალდ ტრამპს რუსეთთან კარგი ურთიერთობის სურვილი და მოლოდინი აქვს. ის ფიქრობს, რომ კრემლი ყირიმს უკრაინას დაუბრუნებს და იმ ძალადობას, რაც ახლა უკრაინაში ხდება, აღმოფხვრის.

როიტერის ცნობით, ამის შესახებ თეთრი სახლის პრესსპიკერმა შონ სპაისერმა ჟურნალისტებთან განაცხადა:

"პრეზიდენტმა ტრამპმა დარწმუნებით განაცხადა, იმედი აქვს რუსეთის მთავრობა უკრაინაში ძალადობას შეამცირებს და ყირიმსაც დაუბრუნებს უკრაინას. ამასთან ერთად, მას სურს და დიდი მოლოდინი აქვს, რომ რუსეთთან კარგი ურთიერთობა დაამყაროს".

რუსეთმა ყირიმის ანექსია 2014 წელს მოახდინა.

გაერო შიშობს, რომ უკრაინაში კონფლიქტი გამწვავდება.