საქართველოში საფრანგეთის ელჩი დიეგო კოლასი ევროპული საბჭოს პრეზიდენტ შარლ მიშელის პირად წარმომადგენელ კრისტიან დანიელსონთა მედიაციისთვის მადლობას უხდის და საქართველოში დაპირისპირებულ მხარეებს მიმართავს.

შეთანხმებამდე ბოლო ნაბიჯები ყველაზე რთულია. კრისტიან დანიელსონს, ევროკავშირსა და აშშ-ს მადლობა გაწეული მუშაობისთვის. წინ, საქართველო! ყველა მხარეს აქვს შანსი აჩვენოს, რომ მოლაპარაკებებს, პასუხისმგებლობის გრძნობასა და გამბედაობას შეუძლია, მწვავე უთანხმოებების მოგვარებას ხელი შეუწყსოს და დემოკრატიის კონსოლიდაცია მოახდინოს. დღევანდელ სამყაროში, ეს დიდი გაკვეთილი იქნება", — წერს კოლასი ტვიტერზე.

კრისტიან დანიელსონი საქართველოში არსებული პოლიტიკური ვითარების განმუხტვის მიზნით ევროპული საბჭოს პრეზიდენტის, შარლ მიშელის გადაწყვეტილებით ჩამოვიდა. დანიელსონთან მმართველი პარტიისა და ოპოზიციის შეხვედრები, ჯერჯერობით, უშედეგოდ სრულდა, რის გამოც შარლ მიშელის წარმომადგენელმა თბილისში ვიზიტი ერთი დღითაც გადადო.

ხელისუფლებისა და ოპოზიციის წარმომადგენლებს შორის შარლ მიშელის მონაწილეობით შეხვედრა პრეზიდენტის ადმინისტრაციაში პირველ მარტს გაიმართა. შეხვედრაზე პოლიტიკური დიალოგის განახლების 6-პუნქტიან გეგმაზე იმსჯელეს.

მას შემდეგ, რაც სავრაუდოდ, ირაკლი ღარიბაშვილის, ბერა ივანიშვილისა და ანზორ ჩუბინიძის მონაწილეობით ფარული ჩანაწერი გავრცელდა, მოლაპარაკების გაგრძელება კითხვის ნიშნის ქვეშ დადგა. ოპოზიციის ნაწილმა მოითხოვა, რომ ღარიბაშვილი მოლაპარაკებებს აღარ დაესწროს, თუმცა ოპოზიციის საერთო შეხვედრის შემდეგ პარტიებმა განაცხადეს, რომ მმართველ გუნდს მოლაპარაკების ჩაშლის საბაბს არ მისცემენ.

გაიგეთ მეტი: