საქართველოს პრეზიდენტის რეზიდენციაში ევროპული საბჭოს პრეზიდენტ შარლ მიშელის მედიაციით გამართულ შეხვედრაზე ოპოზიციამ და პრემიერმინიტრ ირაკლი ღარიბაშვილმა ქვეყანაში პოლიტიკური დიალოგის განახლების საკითხები განიხილა. შეხვედრაზე პოლიტიკური დიალოგის განახლების შემდეგ საკითხებზე იმსჯელეს:

1. ამბიციური საარჩევნო რეფორმა

  • რეფორმები საქართველოში დემოკრატიის გაძლიერებისათვის;

2. კანონის უზენაესობა / მართლმსაჯულების რეფორმა

  • უზენაესი სასამართლოს მოსამართლეთა დანიშვნის საკითხი;
  • იუსტიციის უმაღლესი საბჭოს არჩევნები;
  • რეფორმები კორუფციასთან ბრძოლის გასაუმჯობესებლად.

3. პოლიტიკურად მოტივირებული მართლმსაჯულების საკითხი / პატიმრების პრობლემა

4. ძალაუფლების გადანაწილება პარლამენტში

  • საგამოძიებო კომისია;
  • როლებისა და პასუხისმგებლობის სამართლიანი გადანაწილება პარლამენტში.

5. შესაძლო ვადამდელი არჩევნები / ადგილობრივი არჩევნებისთვის მზადება

6. ფასილიტაცია / მედიაცია / აღნიშნული საკითხების მარტში განხილვა.

ხელისუფლებისა და ოპოზიციის წარმომადგენლებს შორის შარლ მიშელის მონაწილეობით შეხვედრა პრეზიდენტის ადმინისტრაციაში პირველ მარტს გაიმართა. მანამდე ევროპული საბჭოს პრეზიდენტი, პრეზიდენტ სალომე ზურაბიშვილს შეხვდა.