იუსტიციის უმაღლესი საბჭოს მდივანი, ლევან მურუსიძე ტელეკომპანია რუსთავი 2-თან ინტერვიუში კატეგორიულად უარყოფს, რომ მოსამართლე ნატა ნაზღაიძემ ქრთამის სახით დიდი ოდენობით თანხა აიღო. მურუსიძე ამ საქმის აქტუალურობას ანეკდოტს ადარებს:

"ეს პირადად ჩემთვის გარკვეული პოლიტიკის ნაწილია, რომ რაც შეიძლება მუდმივად იყოს იგი დღის წესრიგში და აბრალებენ მოსამართლეს იმას, რაც მას არ გაუკეთებია. მახსენდება ერთი ანეკდოტი, "მოიტა ნასოსიო" - ასეთი რაღაც რომ არის, რამდენჯერაც ეუბნები ადამიანს, რომ ასეთი შემთხვევა არ ყოფილა. რეალურად იგი მიმართულია იმისკენ, რომ მოხდეს მისი [მოსამართლის] დისკრედიტაცია. დანარჩენი, რა გაკეთდა, როგორ გაკეთდა, მეორეხარისხოვანია და მე არ მაინტერესებს. მე ერთი წამითაც ეჭვი არ მეპარება, რომ ნატა ნაზღაიძე ამ სიტუაციაში, არაფერ შუაშია, მას ამ სიტუაციასთან დაკავშირებით, ერთი კაპიკი არ მიუღია".

ტელეკომპანია რუსთავი 2-ის გადაცემა პოსკრიპტუმში გავიდა რეპორტაჟი, რომელშიც საუბარია იმაზე, რომ რუსთავი 2-ის საქმის მოსამართლე ნატა ნაზღაიძეს ძმამ ბიუჯეტიდან 1 მილიონი ლარი მიიღო.