"თავისუფლება ჯარისკაცებს", "არ მიგატოვებთ", სამშობლოს სამსახური არ ისჯება" - ეს ის ლოზუნგებია, რომლითაც ე.წ. კაბელების საქმეზე გამოტანილი განაჩენის გასაპროტესტებლად თავისუფალი დემოკრატები, მსჯავრდებულების ოჯახის წევრები და მათი მხარდამჭერები მთავარ პროკურატურასთან უკვე იკრიბებიან.

თავისუფალი დემოკრატების წევრის, ზურაბ ჯაფარიძის განმარტებით, დღევანდელ აქციაზე ათასობით ადამიანს ელოდებიან და ის არის არა თავისუფალი დემოკრატების ღონისძიება, არამედ საზოგადოებრივი მოძრაობა. მისი განმარტებით, გარდა იმისა, რომ აქციები კიდევ გაგრძელდება, თავისუფალი დემოკრატები სამართლებრივ ბრძოლასაც აპირებენ:

"ჩვენ ახლა სასამართლოს სამოტივაციო ნაწილს ველოდებით, რომელიც აბსოლუტურად დაუსაბუთებელი იქნება, ამაში ღრმად ვარ დარწმუნებული".

მისივე განმარტებით, თავდაცვის სამინისტროს 5 ყოფილი მაღალჩინოსნის ციხიდან გამოყვანა უბრალოდ დროის ამბავია, რადგან ისინი უდანაშაულონი არიან.

აქცია მთავარ პროკურატურასთან 14 საათზე დაიწყება.