თბილისში, ნუცუბიძის ქუჩაზე, საცხოვრებელი კორპუსის მე-9 სართულზე აფეთქება მოხდა. არსებული ინფორმაციით, სავარაუდოდ, გაზი აფეთქდა.

საგანგებო სიტუაციების მართვის სამსახურში On.ge-ს უთხრეს, რომ შედეგად არავინ დაშავებულა. მათივე თქმით, აფეთქებას ხანძარი ან ნგრევა არ მოჰყოლია.

ადგილზე საპატრულო პოლიციისა და საგანგებო სიტუაციების მართვის სამსახურის ეკიპაჟებია მობილიზებული. მომხდარის გამომწვევი მიზეზი, ჯერჯერობით, უცნობია.