პარლამენტთან პიკეტირების აქციაზე 7 ადამიანი დააკავეს. შინაგან საქმეთა სამინისტროს ინფორმაციით, მათ ბრალი საქართველოს ადმინისტრაციულ სამართალდარღვევათა კოდექსის 173-ე მუხლით ედებათ, რაც პოლიციის მიმართ დაუმორჩუილებლობას გულისხმობს.

დღეს პარლამენტთან ოპოზიციის აქცია მიმდინარეობს. 26 თებერვალს გამართულ აქციაზე ხატია დეკანოიძემ განაცხადა, რომ 2 მარტს პარლამენტის შენობის, ხოლო 5 მარტს მთავრობის ადმინისტრაციის შენობის პიკეტირება იგეგმება.

ოპოზიციის მიერ წარდგენილი გეგმის მიხედვით, 9 მარტს აქცია შინაგან საქმეთა სამინისტროსთან იგეგმება, 11 მარტს სასამართლოსთან, 13 მარტს კი პარლამენტთან.

ოპოზიციის საპროტესტო აქციები მას შემდეგ განახლდა, რაც ნაციონალური მოძრაობის ოფისში სპეცოპერაცია ჩაატარეს და ნიკა მელია დააკავეს. აღნიშნულ კრიტიკა და შეშფოთება მოჰყვა როგორც ქვეყნის შიგნით, ისე მის ფარგლებს გარეთ.