ჯანდაცვის მინისტრის მოადგილის, თამარ გაბუნიას განმარტებით, ვაქცინების შემოტანა ქვეყანაში 2-3 კვირით გადავადდა და მარტის ბოლოს ვაქცინაცია AstraZeneca-თი დაიწყება.

"მარტის ბოლოდან ჩვენ უკვე რეალურად შეგვეძლება, რომ ვაქცინაცია AstraZeneca-ს ვაქცინით დავიწყოთ, შესაძლოა Pfizer-მაც მოგვისწოს მანამდე და აპრილში უფრო გაიშლება, რადგან დამატებითი დოზების მოლოდინი გვაქვს უკვე აპრილიდან", — განაცხადა თამარ გაბუნიამ.

მინისტრის მოადგილემ დღეს სპეციალური ბრიფინგი გამართა, სადაც განმარტა, რატომ გვიანდება საქართველოში ვაქცინაციის დაწყება. მისი თქმით, Pfizer-მა დამატებითი მოთხოვნები დააყენა ფინანსურ გადაზღვევასთან დაკავშირებით, რის გამოც ვაქცინის მიწოდების პროცესი შეფერხდა.

პირველი ვაქცინა, რომელიც საქართველოში უნდა შემოსულიყო სწორედ Pfizer-ია. ჯანდაცვის სამინისტროში აცხადებდნენ, რომ თებერვლის ბოლოს საქართველო 29 250 დოზა Pfizer-ის ვაქცინას მიიღებდა, რომელიც 14 500-მდე სამედიცინო პერსონალზე იქნებოდა გათვლილი.

გაიგეთ მეტი: