ხშირად მიიჩნევა, რომ საქმეს საუკეთესოდ მეტწილად მხოლოდ პროფესიონალები ართმევენ, თუმცა არ უნდა დაგვავიწყდეს, რომ საუკეთესო პროფესიონალებსაც სჭირდებოდათ პირველი ნაბიჯების გადადგმა, სანამ საყოველთაო აღიარებას მოიპოვებდნენ.

კინოსა თუ სერიალების სამყაროს არაერთი შემთხვევა ახსოვს, როცა გამოუცდელმა მსახიობმა პირველად მოირგო როლი კამერის წინ და შესანიშნავი სანახაობაც შემოგვთავაზა. ახლა სწორედ რამდენიმე ასეთ თვალსაჩინო მაგალითს წარმოგიდგენთ:

1. ჰენგ ს. ნგორი ფილმში The Killing Fields (სიკვდილის ველი)

ფოტო: Warner Bros

რეჟისორ როლან ჟოფესთვის დიდი გამოწვევა იყო იმ მსახიობის პოვნა, რომელიც კამბოჯას ისტორიული გენოციდის ტრაგედიასა და საშინელებას სათანადოდ გადმოსცემდა, თუმცა მოულოდნელად იპოვა პროფესიით გინეკოლოგი ჰენგ ს. ნგორი, რომელსაც კამბოჯას ციხეში სამჯერ მოუწია სასჯელის მოხდა. მისი შესრულება იმდენად წარმატებული გამოდგა, რომ ოსკარიც მოიპოვა კაცის მეორეხარისხოვანი როლის შესრულებისთვის, რითიც ერთ-ერთია იმ ორ არაპროფესიონალ მსახიობს შორის, რომელთაც ეს ჯილდო ოდესმე მიუღიათ.

2. ავუ და სვატი ჩოკალინგამები სერიალში The Office (ოფისი)

ფოტო: NBC

ისინი ამ საყოველთაოდ ცნობილ სიტკომში პერსონაჟ კელის მშობლებს განასახიერებენ და აღსანიშნავია, რომ რეალურ ცხოვრებაშიც კელის როლის შემსრულებლის, მინდი კალინგის მშობლები არიან.

3. კეტი სი სერიალში Grey's Anatomy (გრეის ანატომია)

ფოტო: ABC

მედდა ბოქის შემსრულებელი რეალურ ცხოვრებაშიც მედდის პროფესიით მუშაობს, თუმცა მას უკვე ყველაზე კარგად ამ საკულტო სამედიცინო სერიალით იცნობენ.

4. აბდი ბარხადი ფილმში Captain Phillips (კაპიტანი ფილიპსი)

ფოტო: Sony Pictures

ნეტავ, როგორი შეგრძნებაა, როცა ტექნიკის მაღაზიაში მომუშავე კონსულტანტი მოულოდნელად იმ ფილმში მიიღებს როლს, სადაც ტომ ჰენკსი თამაშობს? აბდი ბარხადის შემთხვევაში შეგვიძლია ვთქვათ, რომ მან წარმოუდგენლად კარგად გაართვა თავი ამ გამწვევას და ორგზის ოსკაროსან ტომ ჰენკს შესაშური პარტნიორობა გაუწია.

5. ჯამილა ჯამილი სერიალში The Good Place (კარგი ადგილი)

ფოტო: NBC

მართალია, ეს ბრიტანელი მოდელი სცენარისტის კარიერაზე ფიქრობდა, თუმცა ბოლო დროის ერთ-ერთ ყველაზე გამხმაურებულ კომედიურ სატელევიზიო შოუში მოხვედრის შემდეგ დარწმუნდა, რომ მსახიობობაზე ფიქრიც არ იქნებოდა ურიგო.

6. ვინი ჯონსი ფილმში Lock, Stock And Two Smoking Barrels (ბანქო, ფული და ორი ლულა)

ფოტო: Gramercy Pictures

ყოფილი პროფესიონალი ფეხბურთელის სამსახიობო კარიერა ამ როლით დაიწყო და მოგვიანებით კიდევ უფრო საინტერესო პერსონაჟები გააცოცხლა კამერის წინ.

7. იალიცა აპარასიო ფილმში Roma (რომა)

ფოტო: Netflix

სანამ ალფონსო კუარონის ფილმში მიიღებდა როლს, მანამდე სკოლის მასწავლებელი იყო. რომაში თამაშმა კი მას ოსკარის ნომინაცია მოუტანა, რითიც ამერიკის კონტინენტის აბორიგენი მოსახლეობის პირველი წარმომადგენელი გახდა, რომელიც ამ დაჯილდოების ფინალისტებს შორის მოხვდა.

8. ფრენკ სილვა სერიალში Twin Peaks (ტვინ პიკსი)

ფოტო: New Line Cinema

დევიდ ლინჩისგან უჩვეულო ექსპერიმენტები არავის უკვირს, შესაბამისად, არც ის იქნებოდა უცნაური, ერთ დღეს მან ტვინ პიკსის გადასაღები მოედნის გამართულებაზე მომუშავე ფრენკ სილვას როლი რომ შესთავაზა.

9. ბიორკი ფილმში Dancer In The Dark (წყვდიადში მოცეკვავე)

ფოტო: Fine Line Features

ამ ისლანდიელ მომღერალს ყველა ძირითადად თავისი მუსიკალური შემოქმედებით იცნობს, თუმცა 2000 წელს ლარს ფონ ტრიერის ფილმში შესრულებული როლით კინომოყვარულებსაც სამუდამოდ დაამახსოვრა თავი.

10. ჰანტერ შაფერი სერიალში Euphoria (ეიფორია)

ფოტო: HBO

HBO-ს ამ განსაკუთრებული ესთეტიკის მქონე სატელევიზიო შოუს პროფესიით მოდელმა ჰანტერ შაფერმა ნამდვილად გამორჩეული ხიბლი შესძინა.

11. საშა ლეინი ფილმში American Honey (ამერიკული თაფლი)

ფოტო: A24

ლეინი, რომელიც რესტორანში მიმტანად მუშაობდა, რეჟისორმა ანდრეა არნოლდმა მაიამის სანაპიროზე დაინახა და მომავალი ფილმის როლი მაშინვე შესთავაზა.

12. კევინ გარნეტი ფილმში Uncut Gems (დაუმუშავებელი ქვები)

ფოტო: A24

გარნეტს ყველა როგორც კალათბურთელს, ისე იცნობს და ძმები საფდების ფილმშიც საკუთარი თავის განსახიერება მოუწია, რაც ამ საინტერესო სამსახიობო გუნდის მქონე კინოპროექტშო არავისზე ნაკლებად არ გამოსვლია.