გარდაიცვალა ომსკის კლინიკის ექიმი, სადაც მოწამვლის შემდეგ ოპოზიციონერი ალექსეი ნავალნი მკურნალობდა. ინფორმაციას ამის შესახებ თვითონ კლინიკა ავრცელებს.

სერგეი მაკსიმიშინი ანესთეზიოლოგიისა და რეანიმაციის განყოფილების უფროსის მოადგილე იყო. როგორც რადიო თავისუფლების რუსული ბიურო წერს, ექიმი გულის შეტევით თავის განყოფილებაში გარდაიცვალა. აგვისტოში ამავე განყოფილებაში მოწამვლის შემდეგ ნავალნი მკურნალობდა.

პოლიტიკოსი კლინიკაში სასწრაფოთი მიიყვანეს მას შემდეგ, რაც თვითმფრინავში შეუძლოდ გახდა. კლინიკის ექიმები უარყოფდნენ, რომ ნავალნი მოწამლეს.

ნოემბერში საავადმყოფოს მთავარი ექიმი ალექსეი მურახოვკსი ომსკის ოლქის ჯანდაცვის მინისტრად დანიშნეს. ნავალნიმ კლინიკაში სულ ორი დღე გაატარა, რის შემდეგაც გერმანიაში წაიყვანეს. ამ ხნის განმვალობაში პრესასთან სწორედ მუხაროვსკი ურთიერთობდა. ის ამტკიცებდა, რომ ოპოზიციონერის მძიმე მდგომარეობა მეტაბოლიზმის დარღვევამ გამოიწვია.