თუკი შენ იმ სტუდენტთა რიცხვს მიეკუთვნები, რომელმაც უმაღლეს სასწავლებელში მისვლის პირველივე დღიდანვე აღმოაჩინა, რომ შერჩეულმა უნივერსიტეტმა იმედები გაუცრუა, სწორედ ახლაა დაშვებული შეცდომის გამოსწორების დრო: 28 იანვრიდან 8 თებერვლის 18:00 სთ-ის ჩათვლით სტუდენტთა მობილობაზე რეგისტრაცია მიმდინარეობს.

რატომ ვიცვლით უმაღლეს სასწავლებელს?

ხშირად აბიტურიენტები ვერ ეცნობიან დეტალურად სასურველი უნივერსიტეტების შემოთავაზებებს; ირჩევენ მხოლოდ პროფესიას, თუმცა არ უკვირდებიან, თუ როგორი სამეცნიერო აქტივობებია დაგეგმილი მათ უმაღლეს სასწავლებელში; როგორ სტუდენტურ ცხოვრებას ჰპირდება მას შერჩეული უნივერსიტეტი და, საერთოდაც, როგორ გაატარებს მომდევნო 4 წელიწადს.

საინტერესოა განვიხილოთ ის სამი ძირითადი მიმართულება, რასაც უმაღლესი სასწავლებელი აუცილებლად უნდა სთავაზობდეს სტუდენტს.

ახალ ცხოვრებასთან შეგუება

ცვლილებები და სირთულეები ცხოვრების ახალ ეტაპზე გადასვლას თან ახლავს. ახალბედა პირველკურსელებს თავად უწევთ საგნების და ლექტორების შერჩევა, ცხრილის დაკომპლექტება, აუდიტორიების მონახვა, კრედიტებისა და შეფასების სკოლისაგან განსხვავებულ სისტემაშ.ი გარკვევა, სახელმძღვანელოების მოძიება.

სწორედ ამიტომ, კავკასიის საერთაშორისო უნივერსიტეტმა (CIU) ევროპისა და აშშ-ს წამყვანი უნივერსიტეტებისგან წარმატებული პრაქტიკა დანერგა. პირველკურსელებს პირველივე დღესვე სტუდენტთა მენტორი ხვდება, რომლის საქმიანობის სფეროს წარმოადგენს პირველკურსელთა და მობილობით გადმოსული სტუდენტებისათვის უნივერსიტეტის გაცნობა, საუნივერსიტეტო ცხოვრებაში ჩაბმა, სხვადასხვა მიმართულებით კონსულტირება/რეკომენდაციების გაწევა.

მენტორი სტუდენტებს სწავლების დასრულების ბოლომდე მიყვება და ეხმარება მათ ნებისმიერი საუნივერსიტეტო პრობლემის გადაჭრაში.

სტუდენტური ცხოვრება

პირველკურსელი სტუდენტები უმაღლეს სასწავლებელში მოხვედრისთანავე იწყებენ იმის გარკვევას, თუ რას სთავაზობს მათ თავიანთი უნივერსიტეტი აქტიური და საინტერესო სტუდენტური ცხოვრებისთვის. სპორტული თუ ინტელექტუალური შეჯიბრებები, კონცერტები, სპექტაკლები, წვეულებები...

კსუ-ში სპორტულ გუნდებთან ერთად ხელოვნებისა და კულტურის სტუდიებიც აქტიურად ფუნქციონირებს. კსუ-ს სპორტულ გუნდებს ხშირად ნახავთ წარმატებული სპორტული შეჯიბრებების პირველ ადგილებზე; აქვე მოქმედებს „რა? სად? როდის?“ ჩემპიონატი; სამეცნიერო კონფერენციები; უნივერსიტეტს ჰყავს საკუთარი ბენდი, ხალხური სიმღერის ანსამბლი; აქვე ფუნქციონირებს ხატვის სტუდია და ავტოკლუბი.

პრაქტიკა

არსებობს სპეციალობები, რომელიც უმეტესწილად თეორიულ სწავლებაზეა ორიენტირებული. თუმცა, უმრავლესი სპეციალობის შესწავლა პრაქტიკის გარეშე უბრალოდ შეუძლებელია.

კავკასიის საერთაშორისო უნივერსიტეტში სტუდენტები სწავლის პირველივე წლიდან იწყებენ აქტიურ პრაქტიკულ სამუშაოებს თანამედროვე ტექნიკით აღჭურვილ მულტიმედია ცენტრში, სამედიცინო ლაბორატორიებსა თუ პოლიტიკის, ბიზნესისა და იურიდიული მიმართულების კვლევით ცენტრებსა და კლინიკებში. კავკასიის საერთაშორისო უნივერსიტეტის მევენახეობა-მეღვინეობის ფაკულტეტზე სტუდენტებს შესაძლებლობა აქვთ შეისწავლონ ქართული მევენახეობა-მეღვინეობის ყველა საფეხური, მსოფლიოში უკვე დამკვიდრებული თანამედროვე მიდგომის შესაბამისად, რომელსაც ეწოდება "ღვინო მიწიდან მაგიდამდე"; დაეუფლოს ვაზის მოვლისა და ყურძნის მოყვანის ძირითად აგროტექნოლოგიურ მეთოდებს, იზრუნონ ეკოლოგიურად სუფთა პროდუქტის მიღებაზე; დაგეგმონ და მართონ ვენახი, მასში მიმდინარე პროცესები და აკონტროლონ ხარისხი; გაეცნონ საქართველოსა და მსოფლიო მევენახეობა-მეღვინეობის პრაქტიკაში დანერგილ ტრადიციებსა და თანამედროვე, ინოვაციურ მიდგომებს; შეისწავლონ უნიკალური ქართული ქვევრის ღვინის დამზადების ტექნოლოგია, ყურძნისეული წარმოშობის ალკოჰოლური სასმელების ფიზიკო-ქიმიური შედგენილობა და დარგში გამოყენებული საერთაშორისო სტანდარტების გათვალისწინებული ანალიზის მეთოდები; შეძლონ მევენახეობისა და მეღვინეობის ხარისხის მენეჯმენტის მართვა; აწარმოონ უმაღლესი ხარისხის, საერთაშორისო სტანდარტებზე ორიენტირებული, კონკურენტუნარიანი ქართული ტრადიციული ღვინო და შეძლონ მსოფლიო ბაზარზე მისი სახელისა და ადგილის დამკვიდრება.

ასე რომ, თუკი მობილობა გადაწყვიტე, უკვე დროა, 8 თებერვლამდე დარეგისტრირდე students.emis.ge-ზე და გააკეთო არჩევანი კავკასიის საერთაშორისო უნივერსიტეტზე, 115-ზე.

აქ შენი განვითარების სივრცეა!