დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, მათ ვისაც Covid-19 უკვე გადატანილი აქვს, ამ ეტაპზე, პირველი სამი თვე არ აცრიან.

"ზოგიერთ ადამიანს კოვიდი უკვე გადატანილი აქვს და მათ გარკვეული იმუნიტეტი აქვთ, მაგრამ ეს აცრის წინააღმდეგ ჩვენება არ არის, მაგრამ ბოლო ჩვენი რეგულაციებით, მაინც დადგენილია, რომ გადატანიდან პირველი სამი თვის განმავლობაში, ამ ეტაპზე, ისინი არ აიცრებიან", — განაცხადა გამყრელიძემ იმედთან.

NCDC-ის დირექტორის თქმით, მათი მიზანი მოსახლეობის 60%-ის კორონავირუსზე აცრაა, რის შემდეგაც ქვეყანაში სერიოზული იმუნური ფენა უნდა შეიქმნას.