ჯანდაცვის მინისტრის მოადგილის, თამარ გაბუნიას განცხადებით, კორონავირუსის ვაქცინის შეფასებული მინიმალური ღირებულება 64 მილიონი ლარია, მაქსიმალური — 158 მილიონი ლარი. ფასებს შორის განსხვავებას ის ამა თუ იმ ვაქცინის განსხვავებულ ღირებულებას უკავშირებს.

"ნაწილი თანხის ბიუჯეტიდან კოვაქსის პლატფორმაში გადახდილია, რაც ჩვენ მოსახლეობის 20%-ის ვაქცინაციის გარანტიას გვაძლევს, თუმცა დამატებით იქნება კიდევ საჭირო რესურსი და მობილიზებული უკვე ეს რესურსი სხვადასხვა წყაროდან. ერთ-ერთი არის ევროპის საინვესტიციო ბანკის სასესხო ხელშეკრულება, რაც ძალიან მალე ამოქმედდება", — განაცხადა გაბუნიამ.

ჯანდაცვის მინისტრმა, ეკატერინე ტიკარაძემ, 12 იანვარს განაცხადა, რომ უახლოეს მომავალში საქართველოში მოსახლეობის აცრა Pfizer-ის ვაქცინით გახდება შესაძლებელი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: