პატრიოტთა ალიანსის სამი წევრი, გელა მიქაძე, ფრიდონ ინჯია და დავით ზილფიმიანი საქართველოს პარლამენტში შევლენ. მათ ცენტრალურ საარჩევნო კომისიას ადგილმონაცვლეობის შესახებ უკვე მიმართეს. On.ge-ს ამის შესახებ ინფორმაცია ცესკოში დაუდასტურეს.

"გატარებულია მათი თანხმობა ადგილმონაცვლეობაზე და შემდეგ დანარჩენი პროცედურები მიჰყვება", — გვითხრეს უწყებაში.

დღეს პატრიოტთა ალიანსს პარლამენტმა სადეპუტატო უფლებამოსილება ვადამდე შეუწყვიტა. მანდატები გაუუქმდა პარტიის სამ წევრს — ირმა ინაშვილს, გიორგი ლომიას და გოჩა თევდორაძეს. სწორედ მათ ნაცვლად შევლენ მიქაძე, ინჯია და ზილფიმიანი პარლამენტში.

თუ გინდა გაიგო, როგორ მუშაობს ან ვერ მუშაობს მე-10 მოწვევის პარლამენტი, რა ინიციატივები აქვთ დეპუტატებს და ზოგადად, როგორ მიიღება გადაწყვეტილებები, რომლებიც ჩვენს ყოველდღიურობას განსაზღვრავს, შემოგვიერთდი ჯგუფში — რა ხდება პარლამენტში.