თამამად შეგვიძლია ვთქვათ, რომ 2020 წელი პანდემიასთან ერთად სერიალების წელიც იყო: თვითიზოლაციასა თუ კარანტინში სატელევიზიო შოუები მილიონობით ადამიანის ყოველდღიურობის განუყრელი ნაწილი გახდა.

ამის გამო სტრიმინგ სერვისებმა თუ სატელევიზიო კომპანიებმა გასული თვეების განმავლობაში ერთმანეთზე უფრო მრავალფეროვანი სანახაობა შემოგვთავაზეს, თუმცა მათ შორის ყველაზე მეტად ნეტფლიქსი აქტიურობდა, რომელმაც მოახერხა და მაყურებლების გულიც ყველაზე მეტად მოიგო.

წლის მიწურულს ცნობილი გახდა იმ პროექტების ჩამონათვალი, რომლებიც 2020 წელს ამ სტრიმინგ სერვისზე ყველაზე აქტუალური იყო და ყველაზე ბევრი მაყურებელიც ჰყავდა. ალბათ, თქვენი მოლოდინებიც უკვე გაქვთ, თუ ვინ იქნება ამ სიის ლიდერი, მაგრამ შედეგი უკლებლივ ყველას გააოცებს.

ნუ, ალბათ, იმათ გარდა, ვისაც სახლში სკოლამდელი ასაკის ბავშვები ჰყავს...

ფოტო: Giphy

ნეტფლიქსის ყველაზე რეიტინგული შოუ Cocomelon აღმოჩნდა: ანიმაციური სერიალი, რომელიც მცირეწლოვანი ბავშვებისთვისაა განკუთვნილი. მისი სერიები თავდაპირველად YouTube-ზე გამოდიოდა, 2020 წელს კი ნეტფლიქსზე გამოჩნდა და როგორც ჩანს, პატარა მაყურებლების ფავორიტიც გახდა.

რაც შეეხება დანარჩენ სერიალებს, წარმოგიდგენთ 2020 წელს ნეტფლიქსის 20 ყველაზე პოპულარული სატელევიზიო შოუს სიას:

  1. Cocomelon;
  2. ოფისი (The Office);
  3. ლაზიერის გამბიტი (The Queen’s Gambit);
  4. ვეფხვების მეფე (Tiger King);
  5. ოზარკი (Ozark);
  6. Outer Banks
  7. აკადემია ამბრელა (The Umbrella Academy);
  8. აუხსნელი უცნაურობები (Unsolved Mysteries);
  9. კობრა კაი (Cobra Kai);
  10. სიყვარული ბრმაა (Love is Blind);
  11. ავატარი: ლეგენდა აანგზე (Avatar: The Last Airbender);
  12. ყველა ამერიკელი (All American);
  13. შითს ქრიკი (Schitt’s Creek);
  14. ბლაის მამულის მოჩვენება (The Haunting of Bly Manor);
  15. რაჩედი (Ratched);
  16. ცამეტი მიზეზი რატომ (13 Reasons Why);
  17. ემილი პარიზში (Emily in Paris);
  18. პატარა ბოსი: კვლავ სამსახურში (The Boss Baby: Back in Business)
  19. იატაკი ლავაა (Floor is Lava)
  20. ჯეფრი ეპშტეინი: უხამსი მდიდარი (Jeffrey Epstein: Filthy Rich)

ასევე იხილეთ: